မြဝတီမြို့တိုက်ပွဲတွင် ကျားသစ်နက်စစ်ကြောင်းမှ တပ်ခွဲမှူး သေဆုံး
PUBLISHED - April 22, 2024
နေပြည်တော်၊ ဧပြီ ၂၂
ကရင်ပြည်နယ်၊ မြဝတီမြို့တွင် ဖြစ်ပွားခဲ့သော ဧပြီလ ၂၀ ရက်က တိုက်ပွဲတွင် ကျားသစ်နက်စစ်ကြောင်းမှ နေမင်းမိုး သေဆုံးခဲ့ကြောင်း သိရသည်။
ကျားသစ်နက်စစ်ကြောင်းမှ တပ်ခွဲမှူးဆိုသူ နေမင်းမိုးသည် မြဝတီမြို့တိုက်ပွဲအတွင်း လက်နက်ကြီး ထိမှန်ကာ သေဆုံးခဲ့ပြီး၊ ၎င်းသေဆုံးမှုအတွက် လူအချို့က လူမှုကွန်ရက်စာမျက်နှာတွင် ဝမ်းနည်းကြောင်း ရေးသား ပို့စ်တင်ထားကြသည်။
နေမင်းမိုး(ခ)ထင်ကျော်သည် ယခင် အမျိုးသားဒီမိုကရေစီအဖွဲ့ချုပ် ကရင်ပြည်နယ်၊ မြဝတီမြို့လူငယ်တာဝန်ခံ အဖြစ် တာဝန်ထမ်းဆောင်ခဲ့ကြောင်း သိရသည်။
#PeopleMedia