မြိတ်မြို့တွင် အမျိုးသားတစ်ဦး အုန်းပင်ပိ၍ သေဆုံး
PUBLISHED - July 18, 2023
နေပြည်တော်၊ ဇူလိုင် ၁၈
တနင်္သာရီတိုင်းဒေသကြီး၊ မြိတ်ခရိုင်၊ မြိတ်မြို့၊ ကလွင်ကျေးရွာအုပ်စု၊ ရှားတောဝရပ်၊ နဂါးရာဇ်တောင်ကျောင်း လမ်းရှိ ကွမ်းခြံထဲတွင် အလုပ်လုပ်နေသည့် အမျိုးသားတစ်ဦး အုန်းပင်ပိ၍ သေဆုံးသွားကြောင်း သိရသည်။
ယနေ့နံနက် ၉:၄၀ အချိန်တွင် အမျိုးသားတစ်ဦး အုန်းပင်ပိကျနေကြောင်း ဒေသခံလူမှုကူညီရေးအသင်းသို့ ဖုန်းဆက်အကြောင်းကြားသောကြောင့် ဖြစ်စဉ်နေရာသို့ သွားရောက်ကူညီခဲ့ကြောင်း သိရသည်။
“ကွမ်းခြံထဲမှာ သူက သန့်ရှင်းရေးလုပ်နေတာ။ လေတအားကြမ်းတော့ သူကအိမ်ထဲဝင်ပြေးတာ။ အဲ့မှာ အုန်းပင် က လဲကျပြီးတော့ သူအပေါ်ကိုကျတာပါ။ ကွမ်းခြံကတော့ သူတို့အမျိုးခြံ” လို့ ဒေသခံလူမှုကူညီရေးအသင်းမှ တာဝန်ရှိသူတစ်ဦးမှ ပြောပါတယ်။
ထိုရုပ်အလောင်းကို မြိတ်မြို့ရှိ (၅/၁၀၀) တပ်ရင်ခွဲရုံသို့ ပို့ဆောင်ထားကြောင်း သိရသည်။
Photo – Credit
#Newvisionmedia