မြိတ်မြို့တွင် TOYOTA SIENTA မော်တော်ယာဉ်ပေါ်မှ ကျပ်သိန်း ၆,၀၀၀ တန်ဖိုးရှိ စိတ်ကြွရူးသွပ်ဆေးပြားများ ဖမ်းဆီးရမိ
PUBLISHED - September 24, 2024
နေပြည်တော်၊ စက်တင်ဘာ ၂၄
တနသ်ာရီတိုင်းဒေသကြီး မြိတ်မြို့တွင် TOYOTA SIENTA မော်တော်ယာဉ်ပေါ်မှ ငွေကျပ်သိန်း ၆,၀၀၀ တန်ဖိုးရှိ စိတ်ကြွရူးသွပ်ဆေးပြားများ ဖမ်းဆီးရမိခဲ့ကြောင်း မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့မှ သိရသည်။
စက်တင်ဘာလ ၂၁ ရက်နေ့ မွန်းလွဲ ၃နာရီ အချိန် တပ်ဖွဲ့ဝင်များပါဝင်သော ပူးပေါင်းအဖွဲ့သည် သတင်းအရ သက်သေများနှင့်အတူ မြိတ်မြို့၊ တလိုင်းစုရပ်ကွက်၊ ကမ်းနားအလယ်လမ်းတွင် နေဇင် မောင်းနှင်ပြီး မိုးကျော် နှင့် ပန်းလှ(ခ)မင်းထက် တို့လိုက်ပါလာသည့် TOYOTA SIENTA အမျိုးအစား မော်တော်ယာဉ်အား ရပ်တန့် စစ်ဆေးရှာဖွေရာ ယာဉ်ပေါ်တွင် သိုဝှက်သယ်ဆောင်လာသော စိတ်ကြွရူးသွပ်ဆေးပြား ၂၀၀,၀၀၀ ပြား (ဒေသကာလပေါက်ဈေးတန်ဖိုးငွေကျပ်သိန်း ၆,၀၀၀)နှင့် လက်ကိုင်ဖုန်း ၃ လုံးတို့အား တွေ့ရှိသိမ်းဆည်း ရမိခဲ့သဖြင့် နေဇင်(၂၄)နှစ်၊ မိုးကျော်(၄၄)နှစ် နှင့် ပန်းလှ(ခ)မင်းထက်(၂၆)နှစ်တို့အား မြိတ်မြို့မရဲစခန်းတွင် မူးယစ်ဆေးဝါးနှင့် စိတ်ကိုပြောင်းလဲစေသောဆေးဝါးများဆိုင်ရာဥပဒေအရ အမှုဖွင့် အရေးယူထားရှိပြီး ကွင်းဆက်များ ဖော်ထုတ်လျက်ရှိကြောင်း သိရသည်။
#PeopleMedia