မြောင်မြို့ကို တိုက်ခိုက်ရန် မြို့နဲ့ ၃ မိုင်ခန့်အကွာရှိ ဇရပ်ကုန်းကျေးရွာ၌ စစ်သွေးကြွများ အင်အားစုဖွဲ့နေ
PUBLISHED - August 5, 2024
စစ်ကိုင်း၊ သြဂုတ် ၅
စစ်ကိုင်းတိုင်း၊ မြောင်မြို့ကို တိုက်ခိုက်ရန် စစ်သွေးကြွ PDF များသည် မြို့နဲ့ ၃ မိုင်ခန့်အကွာရှိ ဇရပ်ကုန်း ကျေးရွာ၌ ယနေ့ သြဂုတ်လ ၅ ရက်နေ့ နံနက် ၁၀ နာရီအချိန်၌ အင်အားစုဖွဲ့ထားသည်။
“ဇရပ်ကုန်းကျေးရွာနဲ့ မြောင်နဲ့က အဖြောင့်တိုင်းရင် ၃ မိုင်လောက်ဝေးတယ်။ ကားလမ်းမကအတိုင်းဆိုရင် ၇ မိုင်လောက်ဝေးတယ်။ လက်ရှိ ဖောကားတွေနဲ့ ဇရပ်ကုန်းရွာမှာ အင်အားစုဖွဲ့ထားတယ်” လို့ ဒေသကို သိရှိသူ တစ်ဦးက People Media ကို ပြောသည်။
မြောင်မြို့သည် ဧရာဝတီမြစ်ကမ်းဘေး၌ တည်ရှိသောမြို့ဖြစ်ပြီး မြစ်၏ တစ်ဘက်ကမ်းသည် မန္တလေးတိုင်း ဒေသကြီး အပိုင်ဖြစ်သည်။ မြောင်မြို့နဲ့ ဆက်စပ်ဒေသများသည် စစ်သွေးကြွများ အားကောင်းရာဒေသများ ဖြစ်သည်။
#PeopleMedia