မြောင်မြို့တွင် ယာခင်းထဲသွားသည့် အမျိုးသားတစ်ဦး ကျည်ထိဒဏ်ရာများနှင့် သေဆုံး
PUBLISHED - December 18, 2023
နေပြည်တော်၊ ဒီဇင်ဘာ ၁၈
မကွေးတိုင်းဒေသကြီး၊ အောင်လံခရိုင်၊ အောင်လံမြို့၊ ဗြန်နဒီကျေးရွာ နှင့် မိုင်းတောင်ဗွေသဘာဝတရား ရိပ်သာ ကြား ခရိုင်ချင်းဆက်လမ်းပေါ်တွင် ယာခင်းထဲသွားသည့် အမျိုးသားတစ်ဦး ကျည်ထိဒဏ်ရာများနှင့် သေဆုံး နေကြောင်း သိရသည်။
ဒီဇင်ဘာလ ၁၅ ရက် နံနက် ၁၀ နာရီကျော်တွင် ရွှေပန်းတောကျေးရွာ တောင်ဘက်ရှိ သတ်ဖြတ်ခံရသည့် ဦးနန်းစိုးဦးမှာ ၎င်း၏ယာခင်းသို့ မော်တော်ဆိုင်ကယ်ဖြင့်သွားရောက်စဉ် ဗြန်နဒီကျေးရွာ နှင့် မိုင်းတောင်ဗွေသ ဘာဝတရား ရိပ်သာကြား ခရိုင်ချင်းဆက်လမ်းပေါ်၌ PDF များမှ ထိုအမျိုးသားကို သေနတ်ဖြင့် ပစ်ခတ်သွား ကြောင်း သတင်းရရှိသောကြောင့် ဖြစ်စဉ်နေရာသို့ လုံခြုံရေးတပ်ဖွဲ့မှ သွားရောက်ခဲ့ကြောင်း သိရသည်။
ထိုသတ်ဖြတ်ခံရသည့် အမျိုးသားမှာ အောင်လံမြို့၊ ရွှေပန်းတောကျေးရွာတွင် နေထိုင်သည့် အသက် (၃၉) နှစ်အရွယ် ဦးနန်းစိုးဦးမှာ ဘယ်ဘက်ပါးကျည်ဖောက်ဝင်ဒဏ်ရာ ၁ ချက်၊ ညာဘက်မျက်ခုံးစွန်း ဖူးရောင်ဒဏ်ရာ ၁ ချက်၊ ဘယ်ဘက်လက်ပြင်ကျည်ဖောက်ဝင်ဒဏ်ရာ ၁ ချက်၊ ဘယ်ဘက်နံစောင်းကျည်ဖောက်ဝင် ဒဏ်ရာ ၁ ချက်၊ ဘယ်ဘက်ချိုင်းအောက်ကျည်ဖောက်ဝင်ဒဏ်ရာ ၁ ချက်၊ ညာဘက်လက်မောင်းရင်းကျည်ဖောက်ဝင် ဒဏ်ရာ ၁ ချက် နှင့် လည်မြိုထိုးသွင်းဒဏ်ရာ ၁ ချက်တို့ရရှိပြီး သေဆုံးသွားကြောင်း၊ ရုပ်အလောင်းကို ရွှေပန်း တောတိုက်နယ်ဆေးရုံသို့ပို့ဆောင်ခဲ့ကြောင်း သိရသည်။
Photo – Credit
#PeopleMedia