ယင်းမာပင်မြို့တွင် PDF (၃) လောင်းနှင့်အတူ လက်နက်ခဲယမ်းများ သိမ်းဆည်းရမိ
PUBLISHED - July 14, 2023
နေပြည်တော်၊ ဇူလိုင် ၁၄
စစ်ကိုင်းတိုင်းဒေသကြီး၊ ယင်းမာပင်ခရိုင်၊ ယင်းမာပင်မြို့၊ မြေကြက်ဆူရွာအနီးတွင် PDF အလောင်း (၃) လောင်းနှင့် အတူ လက်နက်ခဲယမ်းများကို လုံခြုံရေးတပ်ဖွဲ့များမှ သိမ်းဆည်းရမိခဲ့ကြောင်း သိရသည်။
ဇူလိုင်လ ၁၂ ရက် ညနေ ၄ နာရီအချိန်ခန့်တွင် ယင်းမာပင်မြို့ရှိ ကျေးရွာများအား လုံခြုံရေးတပ်ဖွဲ့များမှ နယ်မြေ ရှင်းလင်းရေးဆောင်ရွက်နေစဉ်အတွင်း မြေကြက်ဆူရွာအနီး၌ PDF များနှင့် လုံခြုံရေးတပ်ဖွဲ့ဝင်တို့ အပြန်အလှန် ပစ်ခတ်ရာရာမှ PDF အလောင်းများနှင့်အတူ လက်နက်ခဲယမ်းများကို လုံခြုံရေးတပ်ဖွဲ့များမှ သိမ်းဆည်းရမိ ကြောင်း သိရသည်။
ထိုသိမ်းဆည်းရမိသည်များမှ PDF အလောင်း ၃ လောင်း၊ အမ်-၂၂ သေနတ် ၁ လက်၊ အမ်-၂၂ ကျည်အိမ် ၁ ခု၊ အမ်-၂၂ ကျည် ၅ တောင့်၊ K-25 အမျိုးအစား သေနတ် ၁ လက်၊ K-25 ကျည်အိမ် ၂ ခု နှင့် K-25 ကျည် ၃၀ တောင့်တို့ကို သိမ်းဆည်းရမိကြောင်း သိရသည်။
Photo – Credit
#PeopleMedia