ယင်းမာပင်မြို့တွင် PDF (၇) လောင်းနှင့်အတူ လက်နက်၊ ခဲယမ်းများ သိမ်းဆည်းရမိ
PUBLISHED - July 21, 2023
နေပြည်တော်၊ ဇူလိုင် ၂၁
စစ်ကိုင်းတိုင်းဒေသကြီး၊ ယင်းမာပင်ခရိုင်၊ ယင်းမာပင်မြို့၊ စုန်းချောင်းကျေးရွာအနီးတွင် PDF အလောင်း (၇) လောင်းနှင့်အတူ လက်နက်ခဲယမ်းများ သိမ်းဆည်းရမိကြောင်း သိရသည်။
ဇူလိုင်လ ၂၁ ရက် နံနက် ၄ နာရီခန့်တွင် ယင်းမာပင်မြို့ရှိ စုန်းချောင်းကျေးရွာအနီးတွင် PDF များနှင့် လုံခြုံ ရေးတပ်ဖွဲ့တို့ အပြန်အလှန်ပစ်ခတ်ခဲ့ကြောင်း သိရသည်။
ထိုပစ်ခတ်ရာတွင် အရပ်ဝတ်ဖြင့် PDF အလောင်း (၇) လောင်း၊ AK သေနတ် ၁ လက်၊ M-22 သေနတ် ၁ လက်၊ လက်လုပ်တစ်ထောင့်ထိုးသေနတ် ၉ လက်၊ ကျည်အမျိုးစုံ ၄၃၆ တောင့်၊ AK ကျည်အိမ် ၂ ခု၊ M-22 ကျည်အိမ် ၂ ခု၊ လက်လုပ်လက်ပစ်ဗုံး ၁၇ လုံး၊ လက်လုပ်စိန်ပြောင်းဗုံးသီး ၁၀ လုံး၊ လက်လုပ်မိုင်း ၁၀ လုံး၊ ယမ်းကြိုး ၃ ခွေ၊ ယမ်းမှုန့် ၂ ပိဿာနှင့် လမ်းလျှောက်စကားပြောစက် ၃ လုံးတို့ကို သိမ်းဆည်းရရှိကြောင်း သိရသည်။
Photo – Credit
#PeopleMedia