• Follow Us on
Latest News

Home ယူကရိန်းနိုင်ငံက စစ်မြေပြင်မှာ 3D ကင်းထောက်ဒရုန်းတွေ စမ်းသပ်နေ

ယူကရိန်းနိုင်ငံက စစ်မြေပြင်မှာ 3D ကင်းထောက်ဒရုန်းတွေ စမ်းသပ်နေ

Share this post

နိုင်ငံတကာ၊ နိုဝင်ဘာ ၂၄

 

ယူကရိန်းကြည်းတပ်ဟာ တာဝေးပျံသန်းနိုင်တဲ့ 3D ကင်းထောက်ဒရုန်း (သုံးဖက်မြင်ရုပ်လုံးကြွကင်းထောက် ဒရုန်း) တွေကို စစ်ဆင်ရေးနယ်မြေတွေမှာ စမ်းသပ်နေပါတယ်။

 

အမေရိကန်-ယူကရိန်း NGO တစ်ခုကိုယ်စား ဂျာမန် Donaustahl GmbH ကုမ္ပဏီက တိုက်တန်ဖော်ကန်ဒရုန်း (Titan Falcon drone) တချို့ကို ယူကရိန်းစစ်တပ်အတွက် ထုတ်လုပ်ပေးနေကြောင်း Defense Blog မှာရေး သားဖော်ပြထားပါတယ်။

 

ဂျာမန်ကုမ္ပဏီကပို့ဆောင်ပေးလိုက်တဲ့ Titan Falcon ဒရုန်းသုံးစင်းထဲက နှစ်စင်းကို လက်ရှိအချိန်မှာ စစ်မြေပြင် မှာ စမ်းသပ်နေတယ်လို့ Defense Blog က ပြောပါတယ်။

 

Titan Dynamics Inc ဒီဇိုင်းရေးဆွဲထားတဲ့ အဲဒီ Titan Falcon ဒရုန်းဟာ တစ်ဆက်တည်း ၆ နာရီကြာပျံသန်း နိုင်ပြီး ကီလိုမီတာ ၄၀၀ (၂၄၈ မိုင်) အထိ ပျံသန်းနိုင်တယ်လို့ ဆိုပါတယ်။

 

စောင့်ကြည့်ထောက်လှမ်းတာဝန်ထမ်းဆောင်ရာမှာ First Person View ကင်မရာတစ်လုံးပါဝင်တဲ့ ဒီဒရုန်းမှာ စွမ်းရည်မြှင့်တင်နိုင်ဖို့အတွက် ၂.၅ လက်မ မှန်ပြောင်းတစ်ခု တပ်ဆင်ထားပါတယ်။

 

ယူကရိန်းကိုထောက်ခံနေတဲ့နိုင်ငံတွေဟာ ထုတ်လုပ်မှုကုန်ကျစရိတ်နည်းနည်းနဲ့ ယူကရိန်းနိုင်ငံကို လက်နက် တွေ ပိုပြီး မြန်မြန်ဆန်ဆန်တင်ပို့နိုင်ရေးအတွက် 3D ရိုက်ကူး/ထုတ်လုပ်ရေးတို့လို နည်းပညာအသစ်တွေကို စတင်အသုံးပြုနေကြပါတယ်။

 

ဗြိတိန်နိုင်ငံဟာ လျှို့ဝှက်စီမံချက်တစ်ခုအနေနဲ့ ယူကရိန်းနိုင်ငံအတွက် 3D ဒရုန်းတွေကို အခုနှစ်အစောပိုင်းကာ လက စမ်းသပ်မှုအများအပြားပြုလုပ်ခဲ့ပါတယ်။

 

အလားတူ တပ်ဖွဲ့ဝင်သယ်ယူပို့ဆောင်ရေးယာဉ် (လေယာဉ်/သံချပ်ကာယာဉ်/သင်္ဘော) တွေနဲ့ လက်နက်တွေ လို စစ်လက်နက်ပစ္စည်းတွေထုတ်လုပ်ရာမှာ အရေးကြီးတဲ့အစိတ်အပိုင်းတွေ လျင်မြန်စွာထုတ်လုပ်နိုင်ရေး အ ထောက်အကူဖြစ်ဖို့အတွက် သြစတေးလျ ကုမ္ပဏီတစ်ခုကလည်း ယူကရိန်းနိုင်ငံကို ပြီးခဲ့တဲ့လက 3D metal printer ခြောက်လုံး တင်ပို့ပေးခဲ့ပါတယ်။

 

Ref: Ukraine Testing Long-Range 3D-Printed Drones on Frontline

 

#PeopleMedia


Share this post