ရန်ကုန်-နေပြည်တော်အမြန်လမ်းမကြီးတွင် ခရီးသည်တင်ယာဉ်တစ်စီး မီးလောင်မှုဖြစ်
PUBLISHED - August 17, 2024
နေပြည်တော်၊ သြဂုတ် ၁၇
ရန်ကုန်-နေပြည်တော် အမြန်လမ်းမကြီး၊ မိုင်တိုင်အမှတ်(၁၃၄/၇) နှင့် (၁၄၃/၆) ကြားတွင် ယနေ့ နံနက် ၃ နာရီ ၂၀ အချိန်က ခရီးသည်တင်ယာဉ်တစ်စီး မီးလောင်မှုဖြစ်ပွားခဲ့ကြောင်း သိရသည်။
နေပြည်တော်မှ ရန်ကုန်သို့ မောင်းနှင်လာသည့် ခရီးသည်တင်ယာဉ်တစ်စီးသည် မိုင်တိုင်အမှတ်(၁၃၄/၇) နှင့် (၁၄၃/၆) ကြား အရောက်တွင် အပူလွန်ကဲမှုဖြစ်ပွားရာမှ မီးလောင်မှုဖြစ်ပွားခဲ့ခြင်းဖြစ်ကြောင်းနှင့် လူထိခိုက်မှု မရှိကြောင်း သိရသည်။
မီးလောင်မှုဖြစ်ပွားရာနေရာကို ဗောဓိကုန်းအမြန်လမ်းမီးသတ်စခန်းမှ မီးသတ်ရေသယ်ယာဉ် (၁)စီး၊ သန္ဓေမီးသတ်တပ်ဖွဲ့ဝင်များဖြင့် ထွက်ခွာငြှိမ်းသတ်ခဲ့ရာ နံနက် ၃ နာရီ ၅၀ အချိန်တွင် မီးငြိမ်းခဲ့ကြောင်း သိရသည်။
#PeopleMedia