ရုရှားကာ့စ်ခ်ဒေသမှာ ယူကရိန်းတပ်ဖွဲ့ဝင်တွေနဲ့ မြောက်ကိုရီးယားတပ်ဖွဲ့ဝင်တွေ ပထမဦးဆုံးအကြိမ် တိုက်ပွဲ ဖြစ်ပွားတယ်လို့ သတင်းတွေထွက်ပေါ်

PUBLISHED - October 29, 2024

နိုင်ငံတကာ၊ အောက်တိုဘာ ၂၉

 

ယူကရိန်းတပ်ဖွဲ့ဝင်တွေနဲ့ မြောက်ကိုရီးယားတပ်ဖွဲ့ဝင်တွေ ယူကရိန်းထိန်းချုပ်ထားတဲ့ ရုရှားကာ့စ်ခ်ဒေသမှာ အောက်တိုဘာလ ၂၅ ရက်နေ့က ပထမဦးဆုံးအကြိမ် တိုက်ပွဲဖြစ်ပွားခဲ့ကြောင်း လစ်သူယေးနီးယား Blue/ Yellow NGO အဖွဲ့ခေါင်းဆောင် ဂျိုးနက်စ်အိုမန်နဲ့ နီးစပ်တဲ့ သတင်းရင်းမြစ်တွေထံက သိရပါတယ်။

 

Blue/ Yellow NGO အဖွဲ့ဟာ ၂၀၁၄ ခုနှစ်ကတည်းက ယူကရိန်းတပ်ဖွဲ့ဝင်တွေကို ကူညီနေတဲ့အဖွဲ့အစည်းဖြစ် ပြီး ယူကရိန်းနိုင်ငံရဲ့ ဆုံးဖြတ်ချက်ချမှတ်သူတွေထံကရော ရှေ့တန်းစစ်မြေပြင်ကရော ကနဦးသတင်းတွေကို ရ ရှိနေတဲ့အဖွဲ့ဖြစ်ပါတယ်။

 

အရင်က ဖြစ်စဉ်လေးငါးခုမှာ ယူကရိန်းထောက်လှမ်းရေးအဖွဲ့နဲ့ ယူကရိန်းစစ်တပ်ထဲမှာရှိတဲ့ သတင်းရင်းမြစ် တွေကတစ်ဆင့်ရရှိတဲ့သတင်းတွေကို အိုမန်က ပြန်လည်မျှဝေခဲ့ပါတယ်။

 

ယူကရိန်းစစ်ပွဲမှာပါဝင်ဖို့ မြောက်ကိုရီးယားတွေပြင်ဆင်နေတာ ကြာပြီဖြစ်ပြီး ပထမဦးဆုံး သဲလွန်စသတင်းကို လွန်ခဲ့တဲ့ ၆ လ ကတည်းက ရရှိခဲ့တာဖြစ်ပါတယ်။

 

အဲဒီအချိန်က မြောက်ကိုရီးယားတွေဟာ ဘယ်လာရုစ်မှာရောက်ရှိနေပြီး ဘယ်လာရုစ်တပ်ဖွဲ့ဝင်တွေနဲ့အတူ လေ့ ကျင့်သင်ကြားနေပါတယ်။

 

ကနဦးသတင်းတွေအရ မြောက်ကိုရီးယားတပ်ဖွဲ့ဝင်တွေဟာ ရုရှားတွေသိမ်းပိုက်ထားတဲ့ ဒွန်းညက်ဒေသမှာ ရောက်ရှိနေကြပြီး ရုရှားခံတပ်စခန်းတွေ ဆောက်လုပ်ရာမှာ ကူညီဖို့ မြောက်ကိုရီးယားအင်ဂျင်နီယာတပ်ဖွဲ့ဝင် တွေကို စေလွှတ်ထားတာဖြစ်ကြောင်း သတင်းတွေထွက်ပေါ်ခဲ့ပါတယ်။

 

တကယ်တော့ ပထမဦးဆုံးမြောက်ကိုရီးယားတပ်ဖွဲ့ဝင်တစ်ဦးဟာ လွန်ခဲ့တဲ့နှစ်လလောက်ကတည်းက ယူကရိန်း စစ်ပွဲမှာ ဒရုန်းတိုက်ခိုက်မှုကြောင့် ကျဆုံးသွားခဲ့ကြောင်း LRT news က သတင်းရရှိထားပါတယ်။

 

ပြီးခဲ့တဲ့ သီတင်းပတ်တွေအတွင်းကတည်းက မြောက်ကိုရီးယားတွေကို ရုရှားနိုင်ငံ ဗလာဒီဗော့စတော့ခ်ကို ပို့ ဆောင်ခဲ့ကြောင်းသတင်းတွေရရှိထားပြီး ပထမအသုတ် အင်အား ၁,၅၀၀၊ နောက်ထပ် အင်အင်ား ၁၁,၀၀၀ ကနေ ၁၂,၀၀၀ အထိ အင်အားဖြည့်တင်း ပို့ဆောင်ခဲ့တယ်လို့ဆိုပါတယ်။

 

ရုရှားကိုပို့မယ့် မြောက်ကိုရီးယားအင်အားဟာ ၈၈,၀၀၀ အထိ မြင့်တက်လာနိုင်တယ်လို့ ထောက်လှမ်းရေးသ တင်းတွေအရ သိထားပါတယ်။

 

သင်္ဘောနဲ့ဖြစ်စေ Antonov AN-124 လေယာဉ်ကြီးတွေနဲ့ဖြစ်စေ သယ်ဆောင်လာတဲ့ မြောက်ကိုရီးယား တပ်ဖွဲ့ဝင်တွေကို စစ်စခန်းလေးခုမှာ တပ်ဖြန့်ချထားပြီး လေ့ကျင့်သင်ကြားပေးနေတယ်လို့ဆိုပါတယ်။

 

မြောက်ကိုရီးယားတပ်ဖွဲ့ဝင်တွေကို အဲဒီစစ်စခန်းတွေမှာ ခွေးစားစားကျီးထိုးထိုး ဖြစ်ချင်ရာဖြစ်ဆိုပြီး ပစ်ထားခဲ့တဲ့ အပြင် ရုရှားတပ်မှူးတွေက ကိုရီးယားစကားမတတ်ကြတဲ့အတွက် မြောက်ကိုရီးယားတွေဟာ ရုရှားတွေအတွက် ခေါင်းကိုက်စရာဖြစ်နေတယ်လို့လည်း ဆိုပါတယ်။

 

မြောက်ကိုရီးယားတပ်ဖွဲ့ဝင်တွေဟာ လက်နက်တွေ ယူဆောင်မလာဘဲ ၎င်းတို့ကို ရုရှားလက်နက်တွေ တပ်ဆင် ပေးထားတယ်လို့ ဆိုပါတယ်။

 

Ref: First North Korean troops killed in Russia, says Lithuanian source: LRT news

 

#PeopleMedia