ရေစကြိုမြို့တွင် လက်လုပ်မိုင်းနှင့် လက်လုပ်ခဲယမ်းများကို လုံခြုံရေးတပ်ဖွဲ့မှ သိမ်းဆည်းရမိ
PUBLISHED - July 21, 2023
နေပြည်တော်၊ ဇူလိုင် ၂၁
မကွေးတိုင်းဒေသကြီး၊ ပခုက္ကူခရိုင်၊ ရေစကြိုမြို့၊ သပြေပင်ရွာရှိ စာသင်ကျောင်းအနီးတွင် PDF များ၏ လက်လုပ်မိုင်းနှင့် လက်လုပ်ခဲယမ်းများကို လုံခြုံရေးတပ်ဖွဲ့မှ သိမ်းဆည်းရမိကြောင်း သိရသည်။
ဇူလိုင်လ ၁၉ ရက် နံနက် ၈ နာရီအချိန်ခန့်တွင် ရေစကြိုမြို့ရှိ သပြေပင်အရွာအနီးတွင် PDF များ ခိုအောင်း နေကြောင်း သတင်းရရှိသောကြောင့် ထိုနေရာသို့ လုံခြုံရေးတပ်ဖွဲ့မှ သွားရောက်ရှင်းလင်းရာတွင် တဲအိမ် ၁ လုံးအတွင်းထဲ၌ လက်နက်/ခဲယမ်းများကို သိမ်းဆည်းရရှိကြောင်း သိရသည်။
ထိုသိမ်းဆည်းရရှိသည်များမှာ တဲအိမ် ၁ လုံး၊ လက်လုပ် သေနတ်အရှည် ၂ လက်၊ လက်လုပ်သေနတ် အတို ၁ လက်၊ ၁၂ ဗို့ကျည် ၆၀ တောင့်၊ ၉ မမ ကျည် ၂ တောင့်၊ AK ကျည် ၃ တောင့်၊ လက်လုပ်မိုင်း ၂ လုံး၊ ဆားကစ်အုံ ၁ ခု၊ ရီမု ၁ လုံး၊ ဖုန်း ၁ လုံး၊ ပြောက်ကျားအင်္ကျီ ၁ ထည်၊ ပြောက်ကျားဦးထုပ် ၁ လုံး၊ ဆိုလာ ၁ ချပ်တို့အား သိမ်းဆည်းရမိခဲ့ကြောင်း သိရသည်။
Photo – Credit
#PeopleMedia