ရေးမြို့နယ်၊ လမိုင်းမြို့ပေါ်ရှိ ယုဇနရွှေဆိုင်ဓားပြတိုက်ခံရပြီး ရွှေနားကပ်အရံ ၅၀၀ ဝန်းကျင်လုယက်သွား
PUBLISHED - September 3, 2024
နေပြည်တော်၊ စက်တင်ဘာ ၃
မွန်ပြည်နယ်၊ ရေးမြို့နယ်၊ လမိုင်းမြို့ပေါ်ရှိ ယုဇနရွှေဆိုင် ယနေ့ နံနက် ၈ နာရီ ၄၅ အချိန်က ဓားပြတိုက်ခံရပြီး ရွှေနားကပ် အရံ ၅၀၀ ဝန်းကျင်ကို လုယက်ယူဆောင်သွားကြောင်း သိရသည်။
ဖြစ်စဉ်မှာ လမိုင်းမြို့၊ မြို့မ(၁) ရပ်ကွက်၊ ရှင်စောပုဈေးရှိ ယုဇနရွှေဆိုင်သို့ ဆိုင်ကယ်တစ်စီးဖြင့် လက်နက်ငယ် ကိုင်ဆောင်ထားသည့် အမျိုးသား ၂ ဦး ရောက်ရှိလာခဲ့ပြီး ရွှေဆိုင်အတွင်းရှိ ၈ လက်မပတ်လည်၊ တစ်ပေခွဲ အမြင့်ရှိ ရွှေနားကပ်အရံ ၄၀၀-၅၀၀ ဝန်းကျင် ထည့်ထားသည့် ပုံးတစ်ပုံး လုယူကာ ဈေးအနောက်ဘက်မှ ကော့ဒွတ်ကျေးရွာဘက်သို့ ဦးတည်မောင်နှင်ထွက်ပြေးသွားကြောင်း ဈေးသူဈေးသားများမှ လုယက်သွားသည့် ပစ္စည်းများ ပြန်လည်ရရှိရေးကို ဝိုင်းဝန်းကြိုးပမ်းခဲ့သော်လည်း ဓားပြတိုက်သူများမှ သေနတ်ကို မိုးပေါ် ထောင်ပစ်ကာ ထွက်ပြေးလွတ်မြောက်သွားကြောင်း သိရသည်။
ဓားပြများအား ဖမ်းဆီရမိနိုင်ရေးအတွက် လုံခြုံရေးတပ်ဖွဲ့ဝင်များမှ လိုအပ်သည်များကို စုံးစမ်းစစ်ဆေးခဲ့ကြောင်း သိရသည်။
#PeopleMedia