ရ-မ-ခ တိုင်းစစ်ဌာနချုပ်ရှိ အမှတ်(၁) တိုင်းရုံးဂိတ်ကို စစ်သွေးကြွ MNDAA နဲ့ အပေါင်းအပါများ တိုက်ခိုက်၊ တပ်မတော်မှ ထိထိမိမိ တုန့်ပြန်
PUBLISHED - July 31, 2024
မန္တလေး၊ ဇူလိုင် ၃၁
ယနေ့ နံနက်ပိုင်းမှ စတင်ပြီး ယနေ့ မွန်းလွဲ ၁း၅၀ အချိန်ထိ ရှမ်းမြောက်ဒေသ၊ လားရှိုးမြို့၊ ရ-မ-ခ တိုင်း စစ်ဌာနချုပ်ရှိ အမှတ်(၁) တိုင်းရုံးဂိတ်ကို စစ်သွေးကြွ MNDAA နဲ့ အပေါင်းအပါများက အင်အားအလုံးအရင်းနဲ့ လာရောက်တိုက်ခိုက်မှုအပေါ် တပ်မတော်က ထိထိမိမိ ပြန်လည်တုန့်ပြန်လျက်ရှိသည်။
အလားတူ စစ်သွေးကြွများသည် အ-ထ-က (၅) နှင့် တပ်ဆေးရုံဧရိယာရှိ အဆောက်အဦးများကို လက်နက်ကြီး၊ ရှော့တိုက်ဒုံးများဖြင့် ပစ်ခတ်လျက်ရှိနေသည်။
ဇူလိုင်လ ၃၀ ရက်နေ့ မွန်းလွဲပိုင်းမှ စတင်ပြီး ရ-မ-ခ နယ်မြေရှိ လက်လွှတ်လိုက်ရသော တပ်ရင်းများကို တပ်မတော်က ပြန်လည် ထိန်းချုပ်နိုင်ခဲ့သည်။
#PeopleMedia