လားရှိုးမြို့တွင် စိတ်ကြွရူးသွပ်ဆေးပြား ၅ သိန်းကျော် ဖမ်းဆီးရမိ
PUBLISHED - July 21, 2023
နေပြည်တော်၊ ဇူလိုင် ၂၁
ရှမ်းပြည်နယ်(မြောက်ပိုင်း)၊ လားရှိုးမြို့တွင် ငွေကျပ်သိန်း ၂၉၅၀ တန်ဖိုးရှိ စိတ်ကြွရူးသွပ်ဆေးပြား ၅ ဒသမ ၉ သိန်း ဖမ်းဆီးရမိခဲ့ကြောင်း မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့မှ သိရသည်။
တပ်ဖွဲ့ဝင်များပါဝင်သော ပူးပေါင်းအဖွဲ့သည် ဇူလိုင်လ ၁၇ ရက်နေ့ ည ၉ နာရီအချိန် ရှမ်းပြည်နယ်(မြောက် ပိုင်း)၊ လားရှိုးမြို့၊ အမှတ်(၂) ရပ်ကွက်တွင် စိုင်းလီ(ခ)ဆိုင်းလီ မောင်းနှင်ပြီး ဂန်ဖန်(ခ)မာဘရန် လိုက်ပါ လာသည့် WISH မော်တော်ယာဉ်ကို သတင်းအရရှာဖွေရာ ယာဉ်ပေါ်မှ ဒေသကာလ တန်ဖိုးငွေကျပ်သိန်း ၂၉၅၀ တန်ဖိုးရှိ စိတ်ကြွရူးသွပ် ဆေးပြား ၅ ဒသမ ၉ သိန်း သိမ်းဆည်းရမိခဲ့ပြီး စစ်ဆေးဖော်ထုတ်ချက်အရ ည ၁၀ နာရီအချိန် လားရှိုးမြို့၊ အမှတ်(၂) ရပ်ကွက်တွင် စိတ်ကြွရူးသွပ်ဆေးပြားများ သယ်ဆောင်ရောင်းဝယ်ရာ၌ ပူးပေါင်းပါဝင်သူ မဆိုင်းခေါန်နှင့် မမာခေါန်တို့ ၂ ဦးအား မော်တော်ဆိုင်ကယ် ၁ စီး၊ မူးယစ်ဆေးဝါး သယ် ဆောင်ရောင်းဝယ်ရာမှရရှိသော မြန်မာငွေကျပ် ၃၆၅ သိန်းတို့နှင့်အတူ ဆက်လက်ဖမ်းဆီးရမိခဲ့သဖြင့် ၎င်းတို့ ၄ ဦးအား ဥပဒေအရအရေးယူထားရှိပြီး ကွင်းဆက်ပြစ်မှုကျူးလွန်သူများအား ဆက်လက်စစ်ဆေးဖော်ထုတ်လျက် ရှိကြောင်း သိရသည်။
#PeopleMedia