လားရှိုးမြို့ရှိ စစ်သွေးကြွများ စုဖွဲ့နေသည့်နေရာကို တပ်မတော်မှ လေကြောင်းဖြင့် ထပ်မံရှင်းလင်း
PUBLISHED - September 9, 2024
နေပြည်တော်၊ စက်တင်ဘာ ၉
ရှမ်းပြည်နယ်မြောက်ပိုင်း၊ လားရှိုးမြို့ရှိ စစ်သွေးကြွအဖွဲ့ဝင်များ စုဖွဲ့နေသည့်နေရာကို တပ်မတော်မှ လေကြောင်းဖြင့် ထပ်မံရှင်းလင်းလိုက်ကြောင်း သိရသည်။
ယနေ့ စက်တင်ဘာလ (၉)ရက် နံနက် (၁၀)နာရီခွဲခန့်က လားရှိုးမြို့ရှိ စစ်သွေးကြွများ စုဖွဲ့နေသည့် ထွေအုပ်ရုံးနှင့် ဗျူဟာလမ်းကို တပ်မတော်မှ လေကြောင်းဖြင့် ရှင်းလင်းခဲ့ခြင်းဖြစ်သည်။
ယင်းသို့ တပ်မတော်မှ လေကြောင်းဖြင့် ရှင်းလင်းမှုကြောင့် စစ်သွေးကြွ အဖွဲ့ဝင်များ ထိခိုက်သေဆုံးမှု ရှိနိုင်ကြောင်း ဒေသခံများ၏ ပြောပြချက်အရ သိရသည်။
ပြီးခဲ့သည့် စက်တင်ဘာလ (၈)ရက် နံနက် (၄)နာရီခန့်ကလည်း စစ်သွေးကြွများ စုဖွဲ့နေသည့် လားရှိုးမြို့ရှိ အားကစားရုံနှင့်အားကစားရုံနှင့် ရေပူစမ်း အနီးရှိ Silver Sky ဟိုတယ်အနီးတဝိုက်အား တပ်မတော်မှ လေကြောင်းဖြင့် ရှင်းလင်းခဲ့သည်။
#PeopleMedia