လားရှိုးမြို့၊ မြို့မဈေးကြီးအတွင်း PDF ထောင်ထားသည့်ဗုံးပေါက်ကွဲမှုကြောင့် လူ (၁၀) ဦးကျော် ထိခိုက်ဒဏ်ရာ ရရှိ

PUBLISHED - July 15, 2023
နေပြည်တော်၊ ဇူလိုင် ၁၅
ရှမ်းပြည်နယ်(မြောက်ပိုင်း)၊ လားရှိုးမြို့၊ အမှတ်(၂) ရပ်ကွက်၊ မြို့မဈေးကြီးအတွင်းရှိ ဇွဲထက်ရွှေဆိုင်ရှေ့တွင် ယနေ့ နံနက်ပိုင်းက PDF ထောင်ထားသည့် ဗုံးပေါက်ကွဲမှုကြောင့် လူ ၁၀ ဦးကျော် ထိခိုက်ဒဏ်ရာရရှိခဲ့ကြောင်း သိရသည်။
ယနေ့ နံနက် ၇ နာရီ ၃၅ မိနစ်အချိန်က လားရှိုးမြို့၊ အမှတ် (၂)ရပ်ကွက်၊ မြို့မဈေးကြီးအတွင်းရှိ ဇွဲထက်ရွှေ ဆိုင်ရှေ့တွင် PDF ၂ ဦးက ဆိုင်ကယ်ဖြင့် လာရောက်၍ ဆိုင်ကယ်ကို ရပ်ထားခဲ့ပြီး ပြန်ထွက်သွားခဲ့ကြောင်း၊ ဆိုင် လုံခြုံရေးဝန်ထမ်းများက ဆိုင်ကယ်ထားသည့် PDF ၂ ဦးကို လိုက်လံရှာဖွေရာ မတွေ့ရှိသည့်အတွက် မြို့ မဈေးရှိ ဆိုင်ကယ်အပ်နှံရာနေရာသို့ သွားရောက်သတင်းပို့စဉ် ဆိုင်ရှေ့ရပ်ထားခဲ့သည့် ဆိုင်ကယ်မှာ ပေါက်ကွဲ မှုဖြစ်ပွားခဲ့ခြင်းဖြစ်ကြောင်း သိရသည်။
PDF ထောင်ခဲ့သည့် ဗုံးပေါက်ကွဲမှုကြောင့် အမျိုးသား ၆ ဦး၊ အမျိုးသမီး ၆ ဦး ထိခိုက်ဒဏ်ရာရရှိခဲ့ပြီး ၎င်းဒဏ်ရာ ရရှိသူများအနက်မှ အမျိုးသား ၂ ဦးမှာ စိုးရိမ်ရဒဏ်ရာရရှိခဲ့ကြောင်း သိရသည်။
#PeopleMedia