လိုက်လံတောင်းစားနေသည့် မသန်စွမ်းအမျိုးသားတစ်ဦး ယာဉ်တိုက်ခံရ၍ သေဆုံးပြီး ယာဉ်မှထွက်ပြေး
PUBLISHED - August 21, 2023
နေပြည်တော်၊ သြဂုတ် ၂၁
မန္တလေးတိုင်းဒေသကြီး၊ ပြင်ဦးလွင်ခရိုင်၊ ပြင်ဦးလွင်မြို့၊ နယ်ရပ်ကွက်ကြီး (၆)ချယ်ရီလမ်း၊ KOne အနီး အီ လတ်ထရောနစ်ပစ္စည်းဆိုင်ရှေ့တွင် လိုက်လံတောင်းစားနေသည့် မသန်စွမ်းအမျိုးသားတစ်ဦး ယာဉ်တိုက်ခံရ၍ သေဆုံးပြီး ယာဉ်မှာထွက်ပြေးသွားကြောင်း သိရသည်။
သြဂုတ်လ ၁၉ ရက် ည ၉ နာရီအချိန်တွင် မော်တော်ယာဉ်တစ်စီးမှ တရွတ်တိုက်သွားလာတောင်း ရမ်းစား သောက်နေသည့် အမျိုးသားတစ်ဦးကို မော်တော်ယာဉ်တစ်စီးမှ အရှိန်လွန်၍ တိုက်မိပြီး ထိုမော်တော်ယာဉ်မှာ ထွက်ပြေးသွားကြောင်း သိရသည်။
ထိုတိုက်ခံရသည့် အမျိုးသားမှာ အခင်းနေရာတွင် သေဆုံးပြီး၊ ထိုဖြစ်စဉ်နေရာသို့ တာဝန်ရှိသူများ ရောက်ရှိ လာပြီး ရုပ်အလောင်းကို ဒေသခံလူမှုကူညီရေးအသင်းသို့ ဖုန်းဆက်အကူအညီတောင်းခံပြီး ရုပ်အလောင်းကို ပြင်ဦးလွင်မြို့ပြည်သူဆေးရုံကြီးရင်ခွဲရုံသို့ပို့ဆောင်ပေးခဲ့ကြောင်း သိရသည်။
Photo – Credit
#PeopleMedia