လွိုင်လင်မြို့နယ်တွင် TOYOTA HILUX ယာဉ်ပေါ်မှ သိန်း ၆၀၀ ကျော်တန်ဖိုးရှိ ဘိန်းစိမ်းများ ဖမ်းဆီးရမိ
PUBLISHED - February 22, 2024
နေပြည်တော်၊ ဖေဖော်ဝါရီ ၂၂
လွိုင်လင်မြို့နယ်တွင် TOYOTA HILUX ယာဉ်ပေါ်မှ ကျပ်သိန်း ၆၁၂ တန်ဖိုးရှိ ဘိန်းစိမ်းများ ဖမ်းဆီးရမိခဲ့ ကြောင်း မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့မှ သိရသည်။
ဖေဖော်ဝါရီလ ၁၈ ရက်နေ့ ၁၂နာရီအချိန် တပ်ဖွဲ့ဝင်များပါဝင်သော ပူးပေါင်းအဖွဲ့သည် လွိုင်လင်မြို့နယ်၊ ကွတ်ချိုးကျေးရွာအနီးတွင် ခွန်လှကြည် မောင်းနှင်ပြီး ခွန်တဆာ လိုက်ပါလာသည့် TOYOTA HILUX အမျိုး အစား မော်တော်ယာဉ်အား ရပ်တန့်စစ်ဆေးရှာဖွေရာ ယာဉ်ပေါ်တွင် တင်ဆောင်လာသော ဆာလာ အိတ်များအတွင်းမှ ဘိန်းစိမ်းအလေးချိန် ၂၀၄ ကီလို(ဒေသကာလပေါက်ဈေးတန်ဖိုးငွေကျပ် ၆၁၂ သိန်း)နှင့် လက်ကိုင်ဖုန်း ၂ လုံးတို့အား တွေ့ရှိသိမ်းဆည်းရမိခဲ့သဖြင့် ခွန်လှကြည် (၃၆)နှစ်နှင့် ခွန်တဆာ (၄၆)နှစ်တို့အား လွိုင်လင်မြို့မရဲစခန်းတွင် မူးယစ်ဆေးဝါးနှင့် စိတ်ကိုပြောင်းလဲစေသောဆေးဝါးများဆိုင်ရာဥပဒေအရ အမှုဖွင့် အရေးယူထားရှိပြီး ကွင်းဆက်များ ဖော်ထုတ်လျက်ရှိကြောင်း သိရသည်။
#PeopleMedia