သင်္ဃန်းကျွန်းမြို့တွင် ကားလမ်းမပေါ်၌ ဒဏ်ရာများဖြင့် လဲလျောင်းနေသည့် အမျိုးသားတစ်ဦး ကားကြိတ်ခံရ၍ သေဆုံး
PUBLISHED - November 23, 2023
နေပြည်တော်၊ နိုဝင်ဘာ ၂၃
ရန်ကုန်တိုင်းဒေသကြီး၊ သင်္သန်းကျွန်းခရိုင်၊ သင်္ဃန်းကျွန်းမြို့နယ်၊ သံသုမာလမ်း၊ ၂၅ ရပ်ကွက်၊ သုဝဏ္ဏ၊ ကျောင်းလမ်းကားမှတ်တိုင်အနီး Max စက်သုံးဆီဆိုင်ရှေ့ရှိ ကားလမ်းမပေါ်တွင် ဒဏ်ရာများဖြင့် လဲလျောင်း နေသည့် အမျိုးသားတစ်ဦးကို ယာဉ်တစ်စီးမှ ကြိတ်မိ၍ ထိုအမျိုးသားမှာ သေဆုံးသွားကြောင်း သိရသည်။
နိုဝင်ဘာလ ၂၂ ရက် ၁၀ နာရီကျော်တွင် အမည်မသိလူတစ်ဦးမှ အမျိုးသားတစ်ဦးကို ရိုက်နှက်ပြီး ကားလမ်းမ အလယ်တွင်လာပစ်သွားပြီး ထိုအမျိုးသားကို ယာဉ်တစ်စီးမှကြိတ်မိရာ ဦးခေါင်းပွင့်ထွက်ကြောင်း သတင်း ရရှိ သောကြောင့် သုဝဏ္ဏပရဟိတအသင်းမှ သွားရောက်ကူညီခဲ့ကြောင်း သိရသည်။
ထိုသေဆုံးသည့် အမျိုးသားမှာ အသက် (၅၀) ဝန်းကျင်အရွယ်ရှိကြောင်း၊ ရုပ်အလောင်းမှာ ပိုင်ရှင်မဲ့ဖြစ် ကြောင်း၊ ထိုအမျိုးသားကို ရိုက်နှက်သွားသည့် အမျိုးသားမှာ လက်ရှိအချိန်တွင် သိရှိရခြင်း မရှိကြောင်းနှင့် မော်တော်ယာဉ်ဖြင့် တက်ကြိတ်သွားသည့် ယာဉ်မှာလည်းထွက်ပြေးသွားကြောင်း သိရသည်။
Photo – Credit
#PeopleMedia