သထုံမြို့တွင် အိမ်စီးမော်တော်ယာဉ်ပေါ်၌ PDF (၂) ဦးနှင့်အတူ လက်နက်နှင့် ဆက်စပ်ပစ္စည်းများ သိမ်းဆည်း ရမိ
PUBLISHED - February 1, 2024
နေပြည်တော်၊ ဖေဖော်ဝါရီ ၁
မွန်ပြည်နယ်၊ သထုံခရိုင်၊ သထုံမြို့၊ သိမ်ဆိပ်နယ်မြေရဲစခန်းရှေ့တွင် မော်တော်ယာဉ်များအား စစ်ဆေးရာတွင် အိမ်စီးမော်တော်ယာဉ်ပေါ်၌ PDF (၂) ဦးနှင့်အတူ လက်နက်နှင့် ဆက်စပ်ပစ္စည်းများ သိမ်းဆည်းရရှိကြောင်း သိရသည်။
ဇန်နဝါရီလ ၃၁ ရက် ညနေ ၆ နာရီချိန်တွင် သထုံမြို့ဘက်မှ ဘီးလင်းမြို့သို့ မောင်းနှင်လာသည့် Honda Fit အနက်ရောင်၊ ယာဉ်အမှတ် 7P/7815 ယာဉ်ကို သထုံမြို့၊ သိမ်ဆိပ်နယ်မြေရဲစခန်းရှေ့တွင် ထိုယာဉ်အား စစ်ဆေးရာတွင် တွေ့ရှိခဲ့ကြောင်း သိရသည်။
ထိုယာဉ်အား မောင်းနှင်သည့် ကောင်းဟိန်းစံ နှင့် ယာဉ်ပေါ်တွင် လိုက်ပါလာသည့် ဇံချိုဝင်း၏ ဘေးလွယ် အိတ်တွင် မြင်းချီးရောင်အတွင်းမှ GLock ပစ္စတို တစ်လက်၊ ကျည်အိမ်တစ်ခု၊ကျည် ခြောက်တောင့်၊ ၄၀ မမ ဗုံးသီးတစ်လုံး၊ MG5 လက်ပစ်ဗုံးတစ်လုံး၊ ၅.၅၆ ကျည်တစ်တောင့်၊အရိုးအသွား ရှစ်လက်မခန့်ရှိ ချွန်ထက် သောအရာတစ်ခုနှင့် အရိုးအသွား ခြောက်လက်မခန့်ရှိဓားတစ်လက်တို့ကို သိမ်းဆည်းရရှိခဲ့ကြောင်း သိရသည်။
Photo – Credit
#PeopleMedia