သထုံမြို့နယ်တွင် တွဲကားနှင့် Probox ယာဉ်တို့တိုက်မိရာမှ အနည်းဆုံး ၅ ဦး သေဆုံး
PUBLISHED - February 15, 2024
နေပြည်တော၊ ဖေဖော်ဝါရီ ၁၅
မွန်ပြည်နယ်၊ သထုံမြို့နယ်၊ မိုးကောင်ကျေးရွာအုပ်စု၊ ကရင်လေးဆိပ်ကျေးရွာ၊ ရွှေမိုးဓါတ်ဆီဆိုင်အနီးတွင် နံနက် ၁၀ နာရီ ၃၀ အချိန်က တွဲကားနှင့် Probox ယာဉ်တို့ တိုက်မိရာမှ အနည်းဆုံး လူ ၅ ဦး သေဆုံးခဲ့ ကြောင်း မိုးကောင်းကယ်ဆယ်ရေးနှင့် နာရေးကူညီမှုအသင်းမှ သိရသည်။
“တွဲကား နဲ့ probox တိုက်မိ လက်ရှိ သေဆုံး ၃ ဦးတွေ့ရှိတယ်။ ကားထဲမှာ ညှပ်သေဆုံးနေသူတွေ ရှိနေသေး တယ်။ ဘယ်လိုဖြစ်တာလည်းဆိုတာတော့ မသိဘူး။” ဟု ကယ်ဆယ်ရေးဆောင်ရွက်နေသူတစ်ဦးက ပြော သည်။
အဆိုပါယာဉ်တိုက်မှုကြောင့် Probox ကားပေါ်တွင် လိုက်ပါလာသူ အားလုံး အခင်းဖြစ်သည့်နေရာတွင် သေဆုံးခဲ့ပြီး၊ လက်ရှိ ညပ်နေသူများရှိနေ၍ ကယ်ဆယ်ရေးလုပ်ငန်းများ ဆက်လက်ဆောင်ရွက်နေလျက်ရှိ ကြောင်း သိရသည်။
ယာဉ်တိုက်မှုဖြစ်ရာနေကို မီးသတ်တပ်ဖွဲ့ဝင်များ၊ ဒေသခံလူမှုကူညီရေးအသင်းများ ပူးပေါင်းကာ ကူညီ ဆောင်ရွက်နေလျက်ရှိကြောင်း သိရသည်။
#PeopleMedia