သန်လျင်တွင် Wave အကောင့်ထဲ ငွေလာဖြည့်သူထံမှ ငွေစက္ကူတုများ ဖမ်းဆီးရမိ
PUBLISHED - December 14, 2024
နေပြည်တော်၊ ဒီဇင်ဘာ ၁၄
ရန်ကုန်တိုင်းဒေသကြီး၊ သန်လျင်မြို့နယ်၊ ညောင်သုံးပင်ကျေးရွာတွင် Wave အကောင့်ထဲ ငွေလာဖြည့်သူထံမှ ငွေစက္ကူတုများ ဖမ်းဆီးရမိကြောင်း သိရသည်။
ဒီဇင်ဘာလ (၁၃)ရက် နေ့လယ် (၁)နာရီအချိန်က ညောင်သုံးပင်ကျေးရွာနေ ထက်လင်းကိုသည် ညောင်သုံးပင်ကျေးရွာရှိ တင်တင်ဝင်းရှိန် wave pay ဆိုင်တွင် တစ်သောင်းတန် (၁၄)ရွက်ပေးပြီး အကောင့်ကို ငွေဖြည့်ပေးရန်ပြောဆိုရာ ဆိုင်ရှင်က ငွေစက္ကူများကို မင်္ကာသဖြင့် ကျေးရွာအုပ်ချုပ်ရေးမှူးရုံးသို့ သတင်းပို့ခဲ့သည်။
ယင်းနောက် လုံခြုံရေးတပ်ဖွဲ့ဝင်များသည် သွားရောက်စစ်ဆေးရာတွင် ထက်လင်းကိုသည် စံပြဈေး ခုံးကျော်တံတားပေါ်တွင် အမည်မသိ လူနှစ်ဦးထံမှ တစ်သောင်းတန် ငွေစက္ကူအတု (၁၄)ရွက်ကို ၎င်းပိုင်ငွေ ကျပ်ငါးသောင်းဖြင့် လဲလှယ်ခဲ့ကြောင်း စစ်ဆေးတွေ့ရှိရသည်။
ယင်းအတွက်ကြောင့် ငွေစက္ကူအတု ကိုင်ဆောင်သူ ထက်လင်းကိုအား သန်လျင်မြို့နယ်ရဲစခန်းသို့ ဖမ်းဆီး ခေါ်ဆောင်လာပြီး ဥပဒေနှင့်အညီ အရေးယူရန် ဆောင်ရွက်နေကြောင်း သိရသည်။
#PeopleMedia