သပိတ်ကျင်းမြို့နယ်တွင် ဆီဘောက်ဆာယာဉ် (၁) စီး တိမ်းမှောက်ရာမှ အမျိုးသား ၁ ဦးသေဆုံး ၁ ဦး ဒဏ်ရာ ရရှိ
PUBLISHED - October 2, 2023
နေပြည်တော်၊ အောက်တိုဘာ ၂
မန္တလေးတိုင်းဒေသကြီး၊ သပိတ်ကျင်းမြို့နယ်၊ ကျောက်ကြီးကျေးရွာအနီး၊ မိုင်တိုင်အမှတ် (၇/ဝ) နှင့် (၇/၁) ကြားတွင် အောက်တိုဘာလ ၁ ရက်နေ့၊ မွန်းလွဲ ၃ နာရီ ၂၀ မိနစ်အချိန်က ဆီဘောက်ဆာယာဉ် (၁) စီး တိမ်း မှောက်မှုဖြစ်ပွားရာမှ အမျိုးသား ၁ ဦး သေဆုံးပြီး ၁ ဦး ဒဏ်ရာရရှိခဲ့ကြောင်း မီးသတ်တပ်ဖွဲ့မှ သိရသည်။
ဆီဘောက်ဆာယာဉ် (၁) စီး တိမ်းမှောက်မှုဖြစ်ပွားကြောင်း သတင်းရရှိသဖြင့် သပိတ်ကျင်းမြို့နယ် မီးသတ် စခန်းမှ သန္ဓေမီးသတ်တပ်ဖွဲ့ဝင်များဖြင့် မီးလောင်မှုမဖြစ်ပွားစေရန် အအေးပေးခြင်းလုပ်ငန်းများ ဆောင်ရွက်ခဲ့ ကြောင်း သိရသည်။
အဆိုပါယာဉ်တိမ်းမှောက်မှုကြောင့် ယာဉ်ပေါ်ပါ ယာဉ်မောင်း အမျိုးသား (၁) ဦးသေဆုံးပြီး၊ ယာဉ်နောက်လိုက် အမျိုးသား (၁) ဦး ထိခိုက်ဒဏ်ရာရတို့အား အောင်သုခလူမှုကူညီရေးအသင်းမှ ယာဉ်ဖြင့် သပိတ်ကျင်းမြို့နယ် ပြည်သူ့ဆေးရုံသို့ ပို့ဆောင်ပေးခဲ့ကြောင်း သိရသည်။
#PeopleMedia