သာကေတမြို့နယ်တွင် YBS ခရီးသည်တင်ယာဉ်ပေါ်မှ ခရီးသည် ၂ ဦး ပြုတ်ကျ ၁ ဦး သေဆုံး
PUBLISHED - September 11, 2023
နေပြည်တော်၊ စက်တင်ဘာ ၁၁
ရန်ကုန်တိုင်းဒေသကြီး၊ သာကေတမြို့နယ်၊ အနော်မာထိပ်မှတ်တိုင်အနီးတွင် ယနေ့ နံနက် ၇ နာရီအချိန်က YBS ခရီးသည်တင်ယာဉ်ပေါ်မှ ခရီးသည် ၂ ဦး ပြုတ်ကျပြီး ခရီးသည် ၁ ဦး သေဆုံးသွားကြောင်း သာကေတ မြို့နယ်လူမှုကူညီရေးအသင်းမှ သိရသည်။
ခရီးသည် ယာဉ်ပေါ်မှပြုတ်ကျမှုဖြစ်ပွါးကြောင်း ပြည်သူများမှ အကြောင်းကြားလာသဖြင့် သာကေတမြို့နယ် လူမှုကူညီရေးအဖွဲ့မှ သွားရောက်ခဲ့ရာ အသက် (၂၀) ဝန်းကျင်ခန့် အမျိုးသား ၂ ဦး YBS ယာဉ်ပေါ်မှ ပြုတ် ကျခဲ့သည်။ လူနာ ၁ ဦးမှာ ဦးခေါင်းထိခိုက်ဒဏ်ရာဖြင့် သေဆုံးခဲ့၍ မနောဖြူလူမှုကူညီရေးအသင်း နာရေး ယာဉ်ဖြင့်လည်းကောင်း ရန်ကုန်ပြည်သူ့ဆေးရုံကြီးသို့ ပို့ဆောင်ပေးခဲ့ကြောင်း သိရသည်။
ကျန်ရှိသော အသက်(၂၀) ဝန်းကျင်ခန့် လူနာ အမျိုးသား(၁)ဦး(မစိုးရိမ်ရ) အား သာကေတမြို့နယ် ကြက်ခြေ နီသူနာပြုတပ်ဖွဲ့မှ မြေပြင်ကုသမှုပေးကာ အမတ္တဂဝေသီလူမှုကူညီရေးအသင်းလူနာတင်ယာဉ်ဖြင့် ရန်ကုန် ပြည်သူ့ဆေးရုံကြီးသို့ ပို့ဆောင်ကူညီပေးခဲ့ကြောင်း သိရသည်။
#PeopleMedia