သုဝဏ္ဏပန်းခြံထောင့်တွင် မပေါက်ကွဲသေးသည့် ဗုံးတစ်လုံးတွေ့ရှိ၍ ဖောက်ခွဲရှင်းလင်း

PUBLISHED - October 9, 2023

နေပြည်တော်၊ အောက်တိုဘာ ၉

 

ရန်ကုန်တိုင်းဒေသကြီး၊ သင်္ဃန်းကျွန်းမြို့နယ်၊ သုဝဏ္ဏမြို့ (၂၉) ရပ်ကွက်၊ သံသုမာလမ်း၊ သုဝဏ္ဏပန်းခြံထောင့် Max စက်သုံးဆီဆိုင်ဘေးတွင် မပေါက်ကွဲသေးသည့် လက်လုပ်ဗုံးတစ်လုံး ယနေ့ နံနက် ၇ နာရီအချိန်က တွေ့ ရှိခဲ့ရ၍ ဖောက်ခွဲရှင်းလင်းခဲ့ကြောင်း သိရသည်။

 

သုဝဏ္ဏမြို့ (၂၉) ရပ်ကွက်၊ သံသုမာလမ်း၊ သုဝဏ္ဏပန်းခြံထောင့်တွင် ဗုံးတွေ့ရှိကြောင်း သတင်းအရ လုံခြုံရေး တပ်ဝင်များက သွားရောက်စိစစ်ခဲ့ရာ သုဝဏ္ဏပန်းခြံထောင့် (Max စက်သုံးဆီဆိုင်ဘေး) ရှိ အမှိုက်ပုံအနီးတွင် အလျား (၇) လက်မ၊ အချင်း (၂) လက်မခန့်ရှိ သံပိုက် (၁) ခု၊ Sport အမျိုးအစား Keypad ဖုန်း (၁) လုံးတို့အား ဝါယာကြိုးဖြင့် တွဲလျက် မပေါက်ကွဲသေးသည့် လက်လုပ်ဗုံး (၁) လုံး တွေ့ရှိသဖြင့် သုဝဏ္ဏပန်းခြံရှေ့၌ အတား အဆီးများ ပြုလုပ်ကာ ဖောက်ခွဲဖျက်စီးခဲ့ကြောင်းနှင့် လူထိခိုက်မှုမရှိခဲ့ကြောင်း သိရသည်။

 

Photo – ပုံဟောင်း

 

#PeopleMedia