သုံးခွမြို့နယ်တွင် ကျေးရွာအုပ်ချုပ်ရေးမှူး၏ ဇနီးကို စစ်သွေးကြွ PDF တွေ ဝင်ရောက်သတ်ဖြတ်သွား
PUBLISHED - October 30, 2024
နေပြည်တော်၊ အောက်တိုဘာ ၃၀
ရန်ကုန်တိုင်းဒေသကြီး၊ သုံးခွမြို့နယ်၊ အနောက်ကျေးရွာ အုပ်ချုပ်ရေးမှူး ဦးအေးမြင့်၏ ဇနီး ဒေါ်မာမာအေးကို စစ်သွေးကြွ PDF အဖွဲ့ဝင်များမှ ဝင်ရောက်သတ်ဖြတ်သွားကြောင်း သိရသည်။
အောက်တိုဘာလ (၂၉)ရက် ည (၈)နာရီခွဲအချိန်က အနောက်ကျေးရွာ အုပ်ချုပ်ရေးမှူး၏ ဇနီးဖြစ်သူ အသက် (၆၄)နှစ်အရွယ် ဒေါ်မာမာအေးသည် နေအိမ်တွင် တစ်ဦးတည်းရှိနေစဉ် စစ်သွေးကြွ PDF အဖွဲ့ဝင်များ ရောက်ရှိလာကာ သတ်ဖြတ်သွားကြောင်း သိရသည်။
စစ်သွေးကြွ PDF အဖွဲ့ဝင်များ၏ သတ်ဖြတ်မှုကြောင့် ဒေါ်မာမာအေး၏ မျက်နှာ၊ ဦးခေါင်းနှင့် လက်တို့တွင် ဓားဒဏ်ရာများ ရရှိကာ အခင်းဖြစ်ပွါးသည့် နေရာတွင် သေဆုံးသွားကြောင်း သိရသည်။
#PeopleMedia