သဲတောမြို့တွင် လက်ဖက်ရည်သောက်နေသည့် ပြည်ခိုင်ဖြိုးပါတီဝင်တစ်ဦး သေနတ်ပစ်ခံရ၍ သေဆုံး
PUBLISHED - February 19, 2024
နေပြည်တော်၊ ဖေဖော်ဝါရီ ၁၉
မန္တလေးတိုင်းဒေသကြီး၊ မိတ္ထီလာခရိုင်၊ ဝမ်းတွင်းမြို့နယ်၊ သဲတောမြို့၊ “တော်ဝင်” လက်ဖက်ရည်ဆိုင်အတွင်း လက်ဖက်ရည်သောက်နေသည့် ပြည်ခိုင်ဖြိုးပါတီဝင်တစ်ဦး သေနတ်ပစ်ခံရ၍ သေဆုံးသွားကြောင်း သိရသည်။
ဖေဖော်ဝါရီလ ၁၇ ရက် နံနက် ၉ နာရီကျော်တွင် ဝမ်းတွင်း-သဲတောလမ်းမဘေးရှိ “တော်ဝင်” လက်ဖက်ရည် ဆိုင်သို့ PDF များရောက်ရှိလာပြီး ထိုလက်ဖက်ရည်ဆိုင်တွင် လက်ဖက်ရည်သောက်နေသည့် အမျိုးသားတစ်ဦး ကို သေနတ်ဖြင့် ပစ်ခတ်သွားကြောင်း သိရသည်။
ထိုသေနတ်ပစ်ခတ်ခံရမှုကြောင့် သေဆုံးသွားသည့် အမျိုးသားမှာ သဲတောမြို့၊ အမှတ် (၁) ရပ်ကွက်တွင် နေထိုင်သည့် အသက် (၂၆) နှစ်အရွယ် ကိုနန္ဒကျော်ဖြစ်ကြောင်း သိရသည်။
Photo – Credit
#PeopleMedia