သံလွင်တံတား(မော်လမြိုင်) လုံခြုံရေးဂိတ်တွင် Pajero ယာဉ်ပေါ်မှ လက်နက်နှင့် ကျည်များ ဖမ်းဆီးရမိ
PUBLISHED - November 2, 2024
နေပြည်တော်၊ နိုဝင်ဘာ ၂
မွန်ပြည်နယ်၊ မော်လမြိုင်မြို့အနီးရှိ သံလွင်တံတား(မော်လမြိုင်) လုံခြုံရေးဂိတ်အနီးတွင် Pajero ယာဉ်ပေါ်မှ လက်နက်နှင့် ကျည်များ ဖမ်းဆီးရမိခဲ့ကြောင်း သိရသည်။
နိုဝင်ဘာလ ၁ ရက် နေ့လည် (၁)နာရီ (၅၀)မိနစ်အချိန်ခန့်က တာဝန်သိပြည်သူများ၏ သတင်းပေးချက်အရ မြဝတီမြို့ဘက်မှ အသက် ၃၅ နှစ်အရွယ် ယာဉ်မောင်း သူရဇော်(ခ)အောင်ကြီး မောင်းနှင်သည့် Pajero အပြာရောင်ယာဉ်အား စစ်ဆေးခဲ့သည်။
ယင်းသို့စစ်ဆေးရာတွင် အဆိုပါ ယာဉ်ပေါ်မှ AK -47 (၇)လက်၊ MA-1 (၁)လက်၊ AK ကျည်ဘောက် (၇)ခု၊ MA-1 ကျည်ဘောက် (၃)ခု(ဖိုက်ဘာ)၊ ၅.၅၆ ကျည် (၈၈၀)တောင့်၊ ပွိုင့် ၃၈ ကျည် (၂၄)တောင့်၊ ပွိုင့် ၉ မမ ကျည် (၇၀)တောင့် တို့ကို ဖမ်းဆီးရမိခဲ့ကြောင်း သိရသည်။
#PeopleMedia