အမရပူရမြို့နယ်တွင် ဆီဘောက်ဆာယာဉ်များ မီးလောင်မှုဖြစ်ပွား၊ အမျိုးသား ၁ ဦး သေဆုံး
PUBLISHED - March 11, 2024
နေပြည်တော်၊ မတ် ၁၁
မန္တလေးတိုင်းဒေသကြီး၊ အမရပူရမြို့နယ်၊ ကဘဲကျေးရွာအနီး၊ စစ်ကိုင်း-မြစ်ငယ်ကားလမ်းမဘေးတွင် ယမန်နေ့ ညနေ ၅ နာရီ ၂၂ အချိန်က ဆီဘောက်ဆာယာဉ်များ မီးလောင်မှုဖြစ်ပွားကြောင်း မီးသတ်တပ်ဖွဲ့မှ သိရသည်။
လမ်းမဘေးတွင် ဆီဘောက်ဆာယာဉ်များ မီးလောင်မှုဖြစ်ပွားကြောင်း သတင်းရရှိသဖြင့် Level 1 ယာဉ်အုပ်စု ထွက်ခွာငြှိမ်းသတ်ခဲ့ရာ မီးများသည့်အတွက် ညနေ ၅ နာရီ ၄၂ အချိန်တွင် Level 2 ယာဉ်အုပ်စုများ ထပ်မံ ထွက်ခွာငြှိမ်းသတ်ခဲ့သဖြင့် ည ၆ နာရီ ၂၁ အချိန်တွင် မီးငြိမ်းနိုင်ခဲ့ကြောင်း သိရသည်။
မီးလောင်မှုကြောင့် အမျိုးသား ၁ ဦး သေဆုံးခဲ့ပြီး၊ အဆောက်အဦနှင့် ဆီဘောက်ဆာယာဉ် ၂ စီးပါ မီး လောင်ကျွမ်းခဲ့ကြောင်း သိရသည်။
မန္တလေးတိုင်းဒေသကြီး၊ ပျော်ဘွယ်မြို့နယ်၊ ယင်းတော်ကျေးရွာ၊ ရန်ကုန် – မန္တလေးလမ်းဟောင်းပေါ်တွင် မတ်လ ၆ ရက်နေ့တွင် ဆီဘောက်ဆာယာဉ် ၁ စီး မီးလောင်မှုဖြစ်ပွားခဲ့ကြောင်း သိရသည်။
#PeopleMedia