အမရပူရမြို့နယ်ရှိ မောင်ဒိန်းရွှေဆိုင်အား လူတစ်စုဓါးပြဝင်တိုက်ကာ သိန်း (၁၄၀၀) ကျော်တန်ဖိုးရှိ ရွှေထည် ပစ္စည်းများလုယက်သွား
PUBLISHED - July 14, 2023
နေပြည်တော်၊ ဇူလိုင် ၁၄
မန္တလေးတိုင်းဒေသကြီး၊ အမရပူရမြို့နယ်ရှိ မောင်ဒိန်းရွှေဆိုင်အား ယမန်နေ့ မွန်းတည့် ၁၂ နာရီဝန်းကျင် အချိန်က လူတစ်စုမှ ဓါးပြဝင်တိုက်ကာ ကျပ်သိန်း ၁၄၀၀ ကျော်တန်ဖိုးရှိ ရွှေထည်ပစ္စည်းများကို လုယက် သွားကြောင်း သိရသည်။
အမရပူရမြို့နယ်၊ စာတိုးမြိုပြင်ကြီးအုပ်စု၊ စက်ကွေ့ရပ်၊ ရန်ကုန် – မန္တလေးကားလမ်းဟောင်းဘေးရှိ မောင်ဒိန်း ရွှေဆိုင်အား ရိန်းဂျားအဖြူရောင် နံပါတ်တိတ်အုပ်ထားပြီး အမည်မသိလူ ၄ ဦးမှ သေနတ်များ ကိုင်ဆောင်ထား ကာ ဆိုင်အတွင်းသို့ဝင်ရောက်လာပြီး သေနတ်ပစ်ဖောက်၍ မှန်ကောင်တာအားရိုက်ခွဲကာ ရွှေထည်ပစ္စည်းများ ကို လုယက်သွားကြောင်း သိရသည်။
ထိုသို့ လုယက်သွားမှုကြောင့် ဆိုင်မှ ရွှေဆွဲကြိုး ၄၁ ကုံး၊ ရွှေနားကပ် ၁၃၇ ရံ၊၊ ဟန်းချိန်း ၂၁ ခု၊ ကလစ် ၄ ခု စုစုပေါင်းကာလတန်ဖိုး ကျပ်သိန်း ၁၄၀၀ ကျော်ခန့်ရှိကြောင်း သိရသည်။
#PeopleMedia