အလုံမြို့နယ်၊ အောက်ကြည့်မြင်တိုင်လမ်းတွင် YBS ယာဉ် (၁) စီး မီးလောင်မှုဖြစ်ပွား
PUBLISHED - September 13, 2024
နေပြည်တော်၊ စက်တင်ဘာ ၁၃
ရန်ကုန်တိုင်းဒေသကြီး၊ အလုံမြို့နယ်၊ အောက်ကြည့်မြင်တိုင်လမ်း၊ အလုံမီးပွိုင့်အနီးတွင် ယနေ့ နံနက် ၁၀ နာရီ ၄၂ အချိန်ခန့်တွင် YBS ယာဉ် (၁) စီး မီးလောင်မှုဖြစ်ပွားခဲ့ကြောင်း မီးသတ်တပ်ဖွဲ့မှ သိရသည်။
ခရီးသည်တင် YBS ၂၂ ယာဉ်သည် ဝါယာရှော့ကြောင့် ယာဉ်တစ်စီးလုံး မီးလောင်ခဲ့ကြောင်း သိရသည်။
မီးလောင်မှုဖြစ်ပွားရာနေရာကို အလုံမြို့နယ်မီးသတ်စခန်းမှ မီးသတ်ယာဉ်တစ်စီး၊ ရေသယ်ယာဉ်တစ်စီးတို့ဖြင့် ထွက်ခွာငြှိမ်းသတ်ခဲ့ရာ နံနက် ၁၀ နာရီ ၅၂ အချိန် မီးငြိမ်းခဲ့ကြောင်း သိရသည်။
စက်တင်ဘာလ ၁၁ ရက်နေ့၊ ည ၉ နာရီ ၃၀ အချိန်က ရန်ကုန်တိုင်းဒေသကြီး၊ ဒဂုံမြို့သစ်(တောင်ပိုင်း)မြို့နယ်၊ အမှတ် (၂)လမ်းတွင် ပရိုဘောက်အငှားယာဉ်တစ်စီး မီးလောင်မှုဖြစ်ခဲ့သည်။
#PeopleMedia