အာရှအားကစားပြိုင်ပွဲပိုက်ကျော်ခြင်းအားကစားနည်း အမျိုးသားလေးယောက်တွဲပြိုင်ပွဲတွင် မြန်မာအသင်း ဗိုလ်လုပွဲတက်ရောက်
PUBLISHED - October 3, 2023
နေပြည်တော်၊ အောက်တိုဘာ ၃
တရုတ်နိုင်ငံ၊ ဟန်ကျိုမြို့၌ ကျင်းပနေသည့် ၁၉ ကြိမ်မြောက်အာရှအားကစားပွဲ ပိုက်အာရှအားကစားပြိုင်ပွဲ အမျိုးသားလေးယောက်တွဲပြိုင်ပွဲတွင် မြန်မာအသင်း ဗိုလ်လုပွဲတက်ရောက်သွားပြီဖြစ်ကြောင်း သိရသည်။
မြန်မာအမျိုးသားပိုက်ကျော်ခြင်းအသင်းသည် အောက်တိုဘာ ၃ ရက်နေ့က ယှဉ်ပြိုင်ခဲ့သည့် ဆီမီးဖိုင်နယ် အဆင့်၌ ဂျပန်ကို ပထမပွဲစဉ်တွင် ၂၁ မှတ် ၉ မှတ်ဖြင့် အနိုင်ရခဲ့ပြီး၊ ဒုတိယပွဲစဉ်တွင် ဂျပန်အသင်းက ပြန် လည်အနိုင်ရရှိခဲ့သည့်အတွက် တတိယပွဲစဉ်အား ဆက်လက်ယှဉ်ပြိုင်ခဲ့ရာ မြန်မာအသင်းက ၂၁ မှတ် ၁၅ မှတ်ဖြင့် အနိုင်ရကာ ဗိုလ်လုပွဲသို့ တက်ရောက်သွားခဲ့ခြင်းဖြစ်ကြောင်း သိရသည်။
ဗိုလ်လုပွဲ တက်ရောက်ခဲ့သည့် မြန်မာအသင်းသည် အောက်တိုဘာလ ၄ ရက်နေ့တွင် အင်ဒိုနီးရှားအသင်းနှင့် ယှဉ်ပြိုင်ကစားရမည်ဖြစ်ကြောင်း သိရသည်။
#PeopleMedia