အာရှအားကစားပြိုင်ပွဲရှုံးထွက်အဆင့်တွင် မြန်မာအသင်းနှင့် ဂျပန်အသင်းတို့ စက်တင်ဘာ ၂၈ ရက်တွင် ယှဉ်ပြိုင်ကစားရမည်
PUBLISHED - September 26, 2023
နေပြည်တော်၊ စက်တင်ဘာ ၂၆
တရုတ်နိုင်ငံ၌ ကျင်းပလျက်ရှိသည့် (၁၉) ကြိမ်မြောက် အာရှအားကစားပြိုင်ပွဲ အမျိုးသားဘောလုံးပြိုင်ပွဲ အုပ်စု ပွဲစဉ်များ စက်တင်ဘာ ၂၅ ရက်က ပြီးဆုံးခဲ့ပြီး မြန်မာအသင်းသည် ရှုံးထွက်အဆင့်တွင် နာမည်ကြီးဂျပန် အသင်းနှင့် ဆုံတွေ့ခဲ့ကြောင်း သိရသည်။
အုပ်စုနောက်ဆုံးနေ့ပွဲစဉ်များကို စက်တင်ဘာ ၂၄၊ ၂၅ ရက်တွင်ကျင်းပခဲ့ပြီး အုပ်စု (C) တွင် နှစ်သင်း၊ အုပ်စု (D)တွင် သုံးသင်းပါဝင်ကာ ကျန်လေးအုပ်စုတွင် လေးသင်းစီပါဝင်ခဲ့သည်။
အုပ်စုပွဲစဉ်များအပြီးတွင် အုပ်စု(A)၌ အိမ်ရှင်တရုတ် အသင်းက ခုနစ်မှတ်ဖြင့် အုပ်စုပထမ၊ အိန္ဒိယအသင်းက လေးမှတ်ဖြင့် အုပ်စုဒုတိယ၊ အုပ်စု (B) ၌ အီရန်အသင်းက ခုနစ်မှတ်ဖြင့် အုပ်စုပထမ၊ ဆော်ဒီအာရေဗျအသင်း က ခုနစ်မှတ်ဖြင့် အုပ်စုဒုတိယ၊ အုပ်စု(C)၌ ဥဇဘက်ကစ္စတန် အသင်းကခြောက်မှတ်ဖြင့် အုပ်စုပထမ၊ ဟောင် ကောင်အသင်းက ရမှတ်မရရှိဘဲ အုပ်စုဒုတိယ၊ အုပ်စု (D)၌ ဂျပန်အသင်းက ခြောက်မှတ်ဖြင့် အုပ်စုပထမ၊ ပါလက်စတိုင်းအသင်းက တစ်မှတ်ဖြင့် အုပ်စုဒုတိယ၊ အုပ်စု(E)၌ တောင်ကိုရီးယားအသင်းက ကိုးမှတ်ဖြင့် အုပ်စုပထမ၊ ဘာရိန်းအသင်းက နှစ်မှတ်ဖြင့် ဒုတိယ၊ အုပ်စု(F)၌ မြောက်ကိုရီးယားအသင်းက ကိုးမှတ်ဖြင့် အုပ်စုပထမ၊ ကာဂျစ္စတန်အသင်းက သုံးမှတ်ဖြင့် အုပ်စုဒုတိယရရှိကာ နောက်တစ်ဆင့် တက်ရောက်ခဲ့သည်။
အုပ်စု(C)တွင်နှစ်သင်းသာ ကျန်ရှိသဖြင့်နှစ်ကျော့ ယှဉ်ပြိုင်ကစားပြီး အုပ်စုပထမနေရာ ရွေးချယ်ခဲ့ခြင်းဖြစ် သည်။ အကောင်းဆုံးအုပ်စု တတိယနေရာလေးသင်းတွင်အုပ်စု(F)မှ အင်ဒိုနီးရှားအသင်း၊ အုပ်စု(D)မှ ကာတာအသင်း၊ အုပ်စု(E)မှ ထိုင်းအသင်းနှင့် အုပ်စု(A)မှ မြန်မာအသင်းတို့ရရှိပြီးရှုံးထွက်အဆင့် တက် ရောက်ခဲ့ကြောင်း သိရသည်။
ရှုံးထွက်အဆင့်တွင် အိမ်ရှင် တရုတ်နှင့်ကာတာ၊ တောင်ကိုရီး ယားနှင့်ကာဂျစ္စတန်၊ ဥဇဘက် ကစ္စတန်နှင့် အင်ဒိုနီးရှား၊ အိန္ဒိယနှင့်ဆော်ဒီအာရေဗျ၊ အီရန်နှင့်ထိုင်း၊ ဟောင်ကောင်နှင့် ပါလက်စတိုင်း၊ ဂျပန်နှင့်မြန်မာ၊ မြောက်ကိုရီးယားနှင့် ဘာရိန်းအသင်းတို့ တွေ့ဆုံနေပြီး၊ မြန်မာအသင်းနှင့် ဂျပန်အသင်းသည် စက်တင်ဘာ၂၈ ရက်တွင် ယှဉ်ပြိုင်ကစားရမည်ဖြစ်ကြောင်း သိရသည်။
#PeopleMedia