အောင်မြေသာစံမြို့နယ်တွင် အသက် ၄ နှစ်အရွယ်ကလေးတစ်ဦး ရေမြောင်းထဲပြုတ်ကျသေဆုံး
PUBLISHED - December 26, 2023
နေပြည်တော်၊ ဒီဇင်ဘာ ၂၆
မန္တလေးတိုင်းဒေသကြီး၊ အောင်မြေသာစံမြို့နယ်၊ သီရိမာလာအရှေ့ သင်္ဘောတန်းရပ်ကွက်တွင် ယမန် နေ့ညပိုင်းက အသက် ၄ နှစ်အရွယ် မိန်းကလေးတစ်ဦး ရေမြောင်းထဲ မတော်တဆပြုတ်ကျပြီး သေဆုံးခဲ့ ကြောင်း မီးသတ်တပ်ဖွဲ့မှ သိရသည်။
“အိမ်နောက်ဖေးရှိ ရွှေတချောင်းထဲ အပေါ့စွန့်ရာကနေ ပြုတ်ကျပြီး ရေနစ်သေဆုံးသွားတာပါ။” ဟု မီးသတ် တပ်ဖွဲ့မှ တာဝန်ရှိသူတစ်ဦးက ပြောသည်။
အောင်မြေသာစံမြို့နယ် သီရိမာလာအရှေ့ သင်္ဘောတန်းရပ်ကွက် ၁၉၅ တွင်နေထိုင်သော အသက် ၃ နှစ်ခန့် ကလေးတစ်ဦးသည် ည ၇နာရီ ၃၀အချိန်ခန့်က ပျောက်ဆုံးနေကြောင်းကို ရပ်ကွက်မှ အသိပေးအကြောင်းကြား လာသဖြင့် ရေမြောင်းအတွင်းသို့ဆင်း၍ ရှာဖွေမှုများ ဆောင်ရွက်ခဲ့ရာ ည ၁၀ နာရီအချိန်ခန့်တွင် ဖြစ်ပွားနေ သော နေရာနှင့် အနောက်မြောက်ဘက် ရေမြောင်းပြွှန်နှင့် တံတားအကူးနေရာတွင် သေဆုံးလျက်တွေရှိခဲ့ ရကြောင်း သိရသည်။
ရှာဖွေကယ်ဆယ်မှုများအား အောင်မြေသာစံမြို့နယ်အရန်မီးသတ်တပ်ရင်းမှ တပ်ခွဲမှူး၊ သီရိမာလာအနောက် အရန်မီးသတ်တပ်ဖွဲ့၊ အောင်မြေအရန်မီးသတ်တပ်ဖွဲ့နှင့် ညောင်ကွဲအရန်မီးသတ်တပ်ဖွဲ့တို့မှ ပူပေါင်း၍ ရှာဖွေကယ်ဆယ်မှုများ ဆောင်ရွက်ပေးခဲ့ကြောင်း သိရသည်။
#PeopleMedia