အောင်လံမြို့တွင် Express ယာဉ်မှ ဆိုင်ကယ်များအား ဝင်တိုက်၊ လူ ၁ ဦး သေဆုံးကာ ၁ ဦး ဒဏ်ရာရရှိ
PUBLISHED - July 20, 2023
နေပြည်တော်၊ ဇူလိုင် ၂၀
မကွေးတိုင်းဒေသကြီး၊ အောင်လံမြို့၊ ရွာထောင်ရပ်ကွက်၊ အောင်လံ-ပြည်ကားလမ်းတွင် ဇူလိုင်လ ၁၉ ရက် နံနက် ၁၀ နာရီ ၂၀ မိနစ်အချိန်က Express ယာဉ်သည် ဆိုင်ကယ်များအား ဝင်တိုက်မိရာမှ အမျိုးသား ၁ ဦး သေဆုံးပြီး ၁ ဦး ထိခိုက်ဒဏ်ရာရရှိခဲ့ကြောင်း သိရသည်။
အောင်လံ-ပြည်ကားလမ်းတွင် Express ယာဉ်သည် လားရာတူမောင်းနှင်နေသောသုံးဘီးဆိုင်ကယ်နှင့် ရပ်နား ထားသောဆိုင်ကယ်အား ဝင်ရောက်တိုက်မိကြောင်း သတင်းရရှိသဖြင့် အောင်လံမြို့နယ်မီးသတ်စခန်းမှ ရှာဖွေ ကယ်ဆယ်ရေးတပ်ဖွဲ့ဝင်များဖြင့် ကယ်ဆယ်ရေးလုပ်ငန်းများ သွားရောက်ဆောင်ရွက်ခဲ့ကြောင်း သိရသည်။
အဆိုပါဖြစ်စဉ်ကြောင့် သုံးဘီးယာဉ်မောင်း ကျား(၁)ဦး(သေဆုံး)နှင့် ကျား(၁)ဦး ထိခိုက်ဒဏ်ရာရ(မစိုးရိမ်ရ) တို့အား မေတ္တာမွန်လူမှုကူညီရေးယာဉ်ဖြင့် အောင်လံမြို့နယ်ဆေးရုံသို့ ပို့ဆောင်ပေးခဲ့ကြောင်း သိရသည်။
#PeopleMedia