ဥတ္တရသီရိမြို့နယ်တွင် ဂိုထောင်အတွင်းရပ်ထားသည့် ယာဉ်တစ်စီး မီးလောင်မှုဖြစ်ပွား
PUBLISHED - September 9, 2024
နေပြည်တော်၊ စက်တင်ဘာ ၉
နေပြည်တော်၊ ဥတ္တရသီရိမြို့နယ်၊ ဇဝနသိဒ္ဓိရပ်ကွက်၊ ပဲခူးလမ်းတွင် ယမန်နေ့ ည ၁၁ နာရီကျော် အချိန်ခန့်က ဂိုထောင်အတွင်း ရပ်ထားသည့် ယာဉ် (၁)စီး မီးလောင်မှုဖြစ်ပွားခဲ့ကြောင်း မီးသတ်တပ်ဖွဲ့မှ သိရသည်။
“ရပ်ထားတဲ့ အချိန်မီးလောင်တာလို့ ပြောတယ်။ ကားကတော့ BMW X6 လို့ ပြောတယ်။ လူထိခိုက်တာတော့ မရှိဘူး” ဟု ဥတ္တရသီရိမြို့နယ်နေ ဒေသခံတစ်ဦးက ပြောသည်။
ယာဉ်မီးလောင်မှု ဖြစ်ရာနေရာကို ဥတ္တရသီရိမြို့နယ်မီးသတ်စခန်းမှ မီးငြှိမ်းသတ်ယာဉ် (၃)စီး၊ ပုဗ္ဗ (၂) နယ်မြေမီးသတ်စခန်းမှ မီးသတ်ရေသယ်ယာဉ် (၁)စီး၊ သန္ဓေမီးသတ်တပ်ဖွဲ့ဝင်များ၊ အရန်မီးသတ်တပ်ဖွဲ့ ဝင်များဖြင့် ထွက်ခွာငြှိမ်းသတ်ခဲ့ရာ ည ၁၁ နာရီ ၃၂ အချိန်တွင် မီးငြိမ်းခဲ့ကြောင်း သိရသည်။
#PeopleMedia