(၄) ရက်ကြာပျောက်ဆုံးနေသည့် အသက် (၄) နှစ်အရွယ်ကလေးတစ်ဦး၏ ရုပ်အလောင်းတွေ့ရှိ
PUBLISHED - August 16, 2023
နေပြည်တော်၊ သြဂုတ် ၁၆
မန္တလေးတိုင်းဒေသကြီး၊ မန္တလေးခရိုင်၊ မန္တလေးမြို့၊ ၅၉ လမ်းနှင့် ၁၁၄ လမ်းအနီးရှိ ရေမြောင်းထဲတွင် အသက် (၄) နှစ်အရွယ် ကလေးတစ်ဦး၏ ရုပ်အလောင်းတွေ့ရှိကြောင်း သိရသည်။
သြဂုတ်လ ၁၃ ရက်နေ့တွင် ပျောက်ဆုံးသွားသည့် ကလေးတစ်ဦးပျောက်ဆုံးကြောင်းကို မိဘများမှ ဒေသ ခံလူမှုကူညီရေးအသင်းသို့ ကလေးပျောက်ကြောင်းကို Post တင်ပေးရန်အကူအညီတောင်းပြီး ယနေ့ သြဂုတ် လ ၁၆ ရက် နံနက်ခင်းအချိန်တွင် ရုပ်အလောင်းကို ရေမြောင်းထဲတွင် တွေ့ရှိခဲ့ကြောင်း သိရသည်။
ထိုသေဆုံးသည့် ကလေးမှာ အသက် (၄) နှစ်ရှိပြီး မောင်အီလီရပ်(ခ) ကျော်မျိုးထွေးဖြစ်ကြောင်း၊ တာဝန်ရှိ သူများမှ ကလေး၏ရုပ်အလောင်းအား စစ်ဆေးပြီးနောက် ရုပ်အလောင်းကို ဒေသခံလူမှု ကူညီရေးအသင်းမှ နေအိမ်သို့ပို့ဆောင်ပေးခဲ့ကြောင်း သိရသည်။
Photo – Credit
#PeopleMedia