မူဆယ်မြို့ရှိ ဟိုတယ်၊ မိုတယ်၊ တည်းခိုခန်းအပါအဝင် စီးပွားရေးလုပ်ငန်းများအားလုံးကို TNLA အခွန်ကောက်

PUBLISHED - August 21, 2019

ရန်ကုန်၊ သြဂုတ်-၂၁

ရှမ်းပြည်နယ်မြောက်ပိုင်း၊ မူဆယ်မြို့ရှိ ဟိုတယ်၊ မိုတယ်၊ တည်းခိုခန်းအပါအဝင် စီးပွားရေး လုပ်ငန်းများအားလုံးကို TNLA မှ အခွန်ကောက်ကြောင်း ဒေသခံလုပ်ငန်းရှင်များက People Media သို့ ပြောသည်။

အဆိုပါဒေသ၌ TNLA အဖွဲ့မှ ပေးသွင်းရမည့် အခွန်ငွေများကို လုပ်ငန်းအလိုက် ကောက်ယူ လျှက်ရှိပြီး လုပ်ငန်းအမျိုးအစားအလုပ် ပေးသွန်းရသည့်ငွေ ကွဲပြားကြောင်း TNLD စီးပွားရေးတာဝန်ခံ ဗိုလ်မှူး-တာမျိုးညွှန့်(ဒု-ဌာနမှူး၊အခွန်ဦးစီးဌာန)က ပြောသည်။

“ပေးသွင်းရတဲ့ငွေက လုပ်ငန်းအလုက်ကွဲပြားခြားနားတယ်”ဟု TNLD စီးပွားရေးတာဝန်ခံ ဗိုလ်မှူး-တာမျိုးညွှန့်(ဒု-ဌာနမှူး၊အခွန်ဦးစီးဌာန)က ပြောသည်။

မူဆယ်မြို့ရှိ စီးပွားရေးလုပ်ငန်းရှင်များသည် နိုင်င့တော်အစိုးရအပါအဝင် လက်နက်ကိုင်မျိုးစုံ ကို အခွန်ငွေပေးသွင်းရကြောင်း ဒေသခံလုပ်ငန်းရှင်များက ဆိုသည်။

“မူဆယ်မှာစီးပွားရေးလုပ်ရင် အကုန်ကြောက်နေရတယ်။ အစိုးရလည်းအခွန်ပေးရတယ်။ လက်နက်ကိုင်အဖွဲ့ အသီးသီးကိုလည်း အခွန်ပေးရတယ်”ဟု လုပ်ငန်းရှင်တစ်ဦးကဆိုသည်။

လက်ရှိအချိန်၌ TNLA အပါအဝင် မြောက်ပိုင်းမဟာမိတ်အဖွဲ့နှင့် တပ်မတော်တို့သည် ရှမ်းပြည်နယ်မြောက်ပိုင်း၌ တိုက်ပွဲများ ဖြစ်ပေါ်လျှက်ရှိသည်။