• Follow Us on

Home မႏၲေလးမွ ျပန္လာၿပီး Quarantine မဝင္ဘဲ ျမစ္ႀကီးနား ေရစင္ေစ်းႏွင့္ KBZ ဘဏ္တြင္ သြားလာဖူးသည့္ အမ်ိဳးသမီးတစ္ဦး၌ ကိုဗစ္ပိုးေတြ႕

မႏၲေလးမွ ျပန္လာၿပီး Quarantine မဝင္ဘဲ ျမစ္ႀကီးနား ေရစင္ေစ်းႏွင့္ KBZ ဘဏ္တြင္ သြားလာဖူးသည့္ အမ်ိဳးသမီးတစ္ဦး၌ ကိုဗစ္ပိုးေတြ႕

Share this post

ျမစ္ႀကီးနား၊ ဒီဇင္ဘာ ၁၆ (𝐏𝐞𝐨𝐩𝐥𝐞 𝐌𝐞𝐝𝐢𝐚)
 
ကခ်င္ျပည္နယ္၊ ျမစ္ႀကီးနားၿမိဳ႕သို႔ မႏၲေလးမွ ျပန္လာၿပီး Quarantine မဝင္ဘဲ ျမစ္ႀကီးနား ေရစင္ေစ်းႏွင့္ KBZ ဘဏ္ (၁)တို႔တြင္ သြားလာဖူးသည့္ အမ်ိဳးသမီးတစ္ဦး၌ ကိုဗစ္ပိုးေတြ႕ရွိေၾကာင္း ျပည္နယ္ျပည္သူ႔က်န္းမာေရး ဦးစီးဌာန တာဝန္ရွိသူတစ္ဦးက အတည္ျပဳသည္။
 
အဆိုပါ ပိုးေတြ႕အတည္ျပဳလူနာမွာ အသက္ (၃၀) အရြယ္ခန္႔ အမ်ိဳးသမီးတစ္ဦးျဖစ္ၿပီး ကိုဗစ္ပိုးေတြ႕ရွိေၾကာင္း ကခ်င္ျပည္နယ္ ျပည္သူ႔က်န္းမာေရးဦးစီးဌာနမွ ယေန႔ ဒီဇင္ဘာလ ၁၆ ရက္ေန႔တြင္ ထုတ္ျပန္ခဲ့သည္။
 
ယမန္ေန႔ ဒီဇင္ဘာလ (၁၅) ရက္တြင္ အနံ႔မရ၊ ေခ်ာင္းဆိုး၊ ႏွာေစးစသည့္ ေရာဂါလကၡဏာမ်ား ခံစားရသျဖင့္ ျမစ္ႀကီးနား ေဆး႐ုံႀကီးသို႔ သြားေရာက္ေဆးကုသမႈခံယူရာမွ COVID-19 ေရာဂါပိုးေတြ႕ရွိခဲ့သည္။
 
ယင္းအမ်ိဳးသမီးမွာ မႏၲေလးေစ်းခ်ိဳအနီးႏွင့္ စစ္ကိုင္းတိုင္းေဒသႀကီးတို႔၌ သြားလာခဲ့သည့္ ခရီးသြားရာဇ၀င္ရွိၿပီး ဒီဇင္ဘာလ ၄ ရက္ေန႔တြင္ ျမစ္ႀကီးနားသို႔ ျပန္လာ၍ မီးရထားဝင္းအတြင္းရွိ အိမ္တြင္ေနထိုင္ခဲ့ၿပီး ျမစ္ႀကီးနား ေရစင္ေစ်းႏွင့္ KBZ ဘဏ္ (၁) သို႔ သြားေရာက္ခဲ့ေၾကာင္း ျပည္နယ္ျပည္သူ႔က်န္းမာေရးဦးစီးဌာနက တာဝန္ရွိသူ က ေျပာသည္။
 
ကခ်င္ျပည္နယ္အတြင္း ယမန္ေန႔ (ဒီဇင္ဘာလ ၁၅) ရက္ေန႔အထိ ကိုဗစ္ ၁၉ အတည္ျပဳလူနာ စုစုေပါင္း (၄၄၁) ဦး အထိရွိၿပီျဖစ္သည္။
 
Photo – က်န္းမာေရးႏွင့္ အားကစား၀န္ႀကီးဌာန
 
လြမ္းေအာင္
 
#PeopleMedia #ျမစ္ႀကီးနား #COVID
 
(unicode)
မန္တလေးမှ ပြန်လာပြီး Quarantine မဝင်ဘဲ မြစ်ကြီးနား ရေစင်စျေးနှင့် KBZ ဘဏ်တွင် သွားလာဖူးသည့် အမျိုးသမီးတစ်ဦး၌ ကိုဗစ်ပိုးတွေ့
…………………………………………………………
 
မြစ်ကြီးနား၊ ဒီဇင်ဘာ ၁၆ (𝐏𝐞𝐨𝐩𝐥𝐞 𝐌𝐞𝐝𝐢𝐚)
 
ကချင်ပြည်နယ်၊ မြစ်ကြီးနားမြို့သို့ မန္တလေးမှ ပြန်လာပြီး Quarantine မဝင်ဘဲ မြစ်ကြီးနား ရေစင်စျေးနှင့် KBZ ဘဏ် (၁)တို့တွင် သွားလာဖူးသည့် အမျိုးသမီးတစ်ဦး၌ ကိုဗစ်ပိုးတွေ့ရှိကြောင်း ပြည်နယ်ပြည်သူ့ကျန်းမာရေး ဦးစီးဌာန တာဝန်ရှိသူတစ်ဦးက အတည်ပြုသည်။
 
အဆိုပါ ပိုးတွေ့အတည်ပြုလူနာမှာ အသက် (၃၀) အရွယ်ခန့် အမျိုးသမီးတစ်ဦးဖြစ်ပြီး ကိုဗစ်ပိုးတွေ့ရှိကြောင်း ကချင်ပြည်နယ် ပြည်သူ့ကျန်းမာရေးဦးစီးဌာနမှ ယနေ့ ဒီဇင်ဘာလ ၁၆ ရက်နေ့တွင် ထုတ်ပြန်ခဲ့သည်။
 
ယမန်နေ့ ဒီဇင်ဘာလ (၁၅) ရက်တွင် အနံ့မရ၊ ချောင်းဆိုး၊ နှာစေးစသည့် ရောဂါလက္ခဏာများ ခံစားရသဖြင့် မြစ်ကြီးနား ဆေးရုံကြီးသို့ သွားရောက်ဆေးကုသမှုခံယူရာမှ COVID-19 ရောဂါပိုးတွေ့ရှိခဲ့သည်။
 
ယင်းအမျိုးသမီးမှာ မန္တလေးစျေးချိုအနီးနှင့် စစ်ကိုင်းတိုင်းဒေသကြီးတို့၌ သွားလာခဲ့သည့် ခရီးသွားရာဇဝင်ရှိပြီး ဒီဇင်ဘာလ ၄ ရက်နေ့တွင် မြစ်ကြီးနားသို့ ပြန်လာ၍ မီးရထားဝင်းအတွင်းရှိ အိမ်တွင်နေထိုင်ခဲ့ပြီး မြစ်ကြီးနား ရေစင်စျေးနှင့် KBZ ဘဏ် (၁) သို့ သွားရောက်ခဲ့ကြောင်း ပြည်နယ်ပြည်သူ့ကျန်းမာရေးဦးစီးဌာနက တာဝန်ရှိသူ က ပြောသည်။
 
ကချင်ပြည်နယ်အတွင်း ယမန်နေ့ (ဒီဇင်ဘာလ ၁၅) ရက်နေ့အထိ ကိုဗစ် ၁၉ အတည်ပြုလူနာ စုစုပေါင်း (၄၄၁) ဦး အထိရှိပြီဖြစ်သည်။
 
Photo – ကျန်းမာရေးနှင့် အားကစားဝန်ကြီးဌာန
 
လွမ်းအောင်
 
#PeopleMedia #မြစ်ကြီးနား #COVID

Share this post