Grade-7 နှင့် Grade-10 ကျောင်းသား၊ ကျောင်းသူများ ကြိုတင်လေ့လာသင်ယူနိုင်ရန် သင်ခန်းစာများကို ထုတ်လွှင့်ပြသမည်
PUBLISHED - April 8, 2024
နေပြည်တော်၊ ဧပြီ ၈
၂၀၂၄-၂၀၂၅ ခုနှစ်၊ ပညာသင်နှစ်တွင် ပညာသင်ကြားကြမည့် Grade-7 နှင့် Grade-10 ကျောင်းသား၊ ကျောင်းသူများ ကြိုတင်လေ့လာသင်ယူနိုင်ရန် သင်ခန်းစာများကို ထုတ်လွှင့်ပြသပေးမည်ဖြစ်ကြောင်း သိရ သည်။
၂၀၂၄-၂၀၂၅ ခုနှစ်၊ ပညာသင်နှစ်တွင် ပညာသင်ကြားကြမည့် အခြေခံပညာ ကျောင်းသား၊ ကျောင်းသူများ အနေဖြင့် သင်ခန်းစာများကို ကြိုတင်လေ့လာသင်ယူနိုင်ရန်အတွက် MWD Education, Knowledge & Sports Channel နှင့် ပြန်ကြားရေးဝန်ကြီး ဌာန၏ Education Channel တို့တွင် ဧပြီလ ၈ ရက်နေ့မှ မေလ ၃၁ ရက်နေ့အထိ Grade-7 သင်ခန်းစာများကို နံနက် ၇ နာရီမှ ၇ နာရီခွဲအချိန်နှင့် ညနေ ၆ နာရီမှ ၆ နာရီခွဲ အချိန်တွင်လည်းကောင်း၊ Grade-10 သင်ခန်းစာများကို နံနက် ၈ နာရီမှ ၈ နာရီခွဲအချိန်နှင့် ည ၇ နာရီမှ ၇ နာရီခွဲအချိန်တွင်လည်းကောင်း နေ့စဉ်ထုတ်လွှင့်ပြသသွားမည်ဖြစ်ကြောင်း သိရသည်။
#PeopleMedia