Move Forward ပါတီနဲ့ ပီတာ လူထုထောက်ခံမှု အမြင့်ဆုံးရရှိနေဆဲဖြစ်

PUBLISHED - May 27, 2024

နိုင်ငံတကာ၊ မေ ၂၇

 

ထိုင်းလူမျိုးအများစုဟာ အစိုးရအဖွဲ့ကို ဦးဆောင်ဖို့ Move Forward ပါတီကို ဆက်လက်ထောက်ခံဆဲဖြစ်သလို ပါတီခေါင်းဆောင်ဟောင်း ပီတာလင်းဂျားရင်းနတ်ကိုလည်း ဝန်ကြီးချုပ်အဖြစ် ဆက်လက်ထောက်ခံနေဆဲဖြစ် ကြောင်း The Nation မှာ ရေးသားဖော်ပြထားပါတယ်။

 

King Prajadhipok’s Institute (ပရာဂျာဒီပေါ့မင်းအင်စတီကျု) က အသက် ၁၈ နှစ်ပြည့်ပြီးတဲ့ ထိုင်းပြည်သူ ၁၀၂၀ ဦးကို မေလ ၇ ရက်နေ့ကနေ ၁၈ နေ့အထိ ဆန်းစစ်လေ့လာမှုပြုလုပ်ခဲ့ရာမှာ ထိုင်းပြည်သူအများစုက Move Forward ပါတီနဲ့ ပီတာကို ဆက်လက်ထောက်ခံနေဆဲဖြစ်ကြောင်း သိရတာဖြစ်ပါတယ်။

 

မဲဆန္ဒနယ်အလိုက် ဘယ်ပါတီကို မဲပေးမလဲလို့မေးတဲ့အချိန်မှာ ပြန်လည်ဖြေကြားသူတွေထဲက ၃၅.၇% က Move Forward ပါတီ၊ ၁၈.၁% ဖီယူထိုင်းပါတီ၊ ၁၁.၂% က ဖုန်ဂျိုင်ထိုင်းပါတီ၊ ၉.၂% က United Thai Nation ပါတီ၊ ၇.၈% က ပါလန်ပရာချာရတ်ပါတီ၊ ၅% က ဒီမိုကရက်ပါတီ၊ ၁.၆% က ချတ်ထိုင်းပတ္တနာပါတီ၊ ၁.၂% က ပရာချာချတ်ပါ တီနဲ့ ၁၀.၂% က မဆုံးဖြတ်ရသေးဘူးလို့ ပြောပါတယ်။

 

ရွေးကောက်ပွဲပါတီစာရင်းအလိုက် ဘယ်ပါတီကို မဲပေးမလဲလို့ မေးတဲ့အချိန်မှာ ၄၄.၉% က Move Forward ပါတီ၊ ၂၀.၂% က ဖီယူထိုင်းပါတီ၊ ၁၀.၉% က United Thai Nation ပါတီ၊ ၃.၅% က ဖုန်ဂျိုင်ထိုင်းပါတီ၊ ၃% က ပါလန်ပရာချာရတ်ပါတီ၊ ၃% က ဒီမိုကရက်ပါတီ၊ ၁.၃% က ပရာချာချတ်ပါတီ၊ ဝ.၇% က ချတ်ထိုင်းပတ္တနာ ပါတီနဲ့ ၁၂.၅% က မဆုံးဖြတ်ရသေးကြောင်း ပြန်လည်ဖြေကြားပါတယ်။

 

လက်ရှိအချိန် ဘယ်သူ့ကို ဝန်ကြီးချုပ်ဖြစ်စေချင်သလဲလို့ မေးမြန်းတဲ့အချိန်မှာ ၄၆.၉% က ပီတာလင်းဂျားရင်း နတ်၊ ၁၇.၇% က ဗိုလ်ချုပ်ကြီးပရာယွတ်ချန်အိုချာ (ဝန်ကြီးချုပ်ဟောင်း)၊ ၁၀.၅% က ပေထောင်တန်ရှင်နာဝပ် ထရာ (ဖီယူထိုင်းပါတီခေါင်းဆောင်)၊ ၈.၇% က လက်ရှိဝန်ကြီးချုပ် ဆရက်ထာထာဗီဆင်၊ ၃.၃% က အနူတင် ချန်းဗီရာကူလ် (ဖုန်ဂျိုင်းထိုင်းပါတီခေါင်းဆောင်/ လက်ရှိကျန်းမာရေးဝန်ကြီး)၊ ၁.၇% က ဂျူရင်လက်ဆာနာဝီ ဆစ် (ဒီမိုကရက်ခေါင်းဆောင်ဟောင်း)၊ ဝ.၄% က ဗိုလ်ချုပ်ကြီးပရာဝတ်ဝေါင်ဆူဝန် (ပါလန်ပရာချာရတ်ပါတီ ခေါင်းဆောင်/ ဒုတိယဝန်ကြီးချုပ်ဟောင်း) နဲ့ ၁၀.၉% က မဆုံးဖြတ်ရသေးကြောင်း ဖြေကြားခဲ့ပါတယ်။

 

Ref: Move Forward, Pita still most popular, survey finds

 

#PeopleMedia