New Day ဆီဆိုင်မှ တပ်ကုန်း၊ လယ်ဝေးနှင့် ပျဉ်းမနားဒေသများသို့သွားမည့် ပရဟိတအသင်းများမှ ကယ်ဆယ်ရေး လူနာတင်ယာဉ်များကို ယာဉ်တစ်စီးလျှင် စက်သုံးဆီ (၁၀) ဂါလံ အခမဲ့လှူဒါန်းမည်
PUBLISHED - September 12, 2024
နေပြည်တော်၊ စက်တင်ဘာ ၁၂
နေပြည်တော်ကောင်စီနယ်မြေ တပ်ကုန်း၊ လယ်ဝေးနှင့်ပျဉ်းမနားဒေသများသို့ ရေဘေးကယ်ဆယ်ရေး ဆောင်ရွက်ရန် အနယ်နယ်အရပ်ရပ်မှ ရောက်ရှိလာမည့် ပရဟိတအသင်းများမှ ကယ်ဆယ်ရေးလူနာတင် ယာဉ်များကိုယာဉ်တစ်စီးလျှင် စက်သုံးဆီ (၁၀) ဂါလံနှုန်းဖြင့် စက်သုံးဆီများအခမဲ့ဖြည့်တင်းလှူဒါန်းပေးမည် ဖြစ်ကြောင်း New Day Energy Co.Ltd မှ သတင်းထုတ်ပြန်လိုက်သည်။
New Day ၏ ကျေးဇူးရှင် မိဘပြည်သူများအား တစ်ဖက်တစ်လမ်းမှကျေးဇူးတုန့်ပြန်သောအားဖြင့် နေပြည် တော်နယ်မြေ၊ ပျဉ်းမနားမြို့၊ သပြေလှသက်ကယ်ကျင်းရပ်၊ ရန်ကုန်မန္တလေးလမ်းဟောင်းပေါ်ရှိ New Day စက်သုံးဆီအရောင်းဆိုင်တွင် နေပြည်တော်နယ်မြေ တပ်ကုန်း၊လယ်ဝေးနှင့်ပျဉ်းမနားဒေသများသို့ ရေဘေး ကယ်ဆယ်ရေးဆောင်ရွက်ရန် အနယ်နယ်အရပ်ရပ်မှ ရောက်ရှိလာမည့် ပရဟိတအသင်းများမှ ကယ်ဆယ်ရေး လူနာတင်ယာဉ်များကိုယာဉ်တစ်စီးလျှင် စက်သုံးဆီ (၁၀) ဂါလံနှုန်းဖြင့် ကယ်ဆယ်ရေးလူနာတင်ယာဉ် အစီးရေ (၁၀၀) တိတိအား စက်သုံးဆီများအခမဲ့ဖြည့်တင်းလှူဒါန်းပေးမည်ဖြစ်ကြောင်း ထုတ်ပြန်ထားသည်။
စက်သုံးဆီလာရောက်ဖြည့်တင်းသော ရေဘေးကယ်ဆယ်ရေး လူနာတင်ယာဉ်ကို ဓာတ်ပုံရိုက်မှတ်တမ်း တင်ထားမည်ဖြစ်ပြီး New Day Energy Co.Ltd ၏ Facebook စာမျက်နှာတွင် ဖော်ပြပေးမည်ဖြစ်သည်။
သို့ဖြစ်ပါ၍ ရေဘေးကယ်ဆယ်ရေးလူနာတင်ယာဉ်များအနေဖြင့် စက်သုံးဆီလိုအပ်ပါက နေပြည်တော်နယ်မြေ၊ ပျဉ်းမနားမြို့၊ New Day စက်သုံးဆီအရောင်းဆိုင်သို့ စက်သုံးဆီ အခမဲ့လာရောက်ဖြည့်တင်းနိုင်ကြောင်း ကြေညာထားသည်။
#PeopleMedia