OIC အဆင့်မြင့်ပါလီမန်အစည်းအဝေး မေလမှာ အင်ဒိုနီးရှား လက်ခံကျင်းပမည်
PUBLISHED - March 17, 2025
နိုင်ငံတကာ၊ မတ် ၁၇
အစ္စလာမ်မစ်ပူးပေါင်းဆောင်ရွက်ရေးအဖွဲ့ (OIC) အဖွဲ့ဝင်နိုင်ငံတွေရဲ့ ၁၉ ကြိမ်မြောက် အဆင့်မြင့်ပါလီမန် အစည်းအဝေး ကို ၂၀၂၅ ခုနှစ် မေလမှာ အင်ဒိုနီးရှားနိုင်ငံက အိမ်ရှင်အဖြစ် လက်ခံကျင်းပသွားမှာဖြစ်ကြောင်း လွှတ်တော်အမတ် မာဒါ နီအလီဆီရာက မတ်လ ၁၅ ရက်နေ့ (စနေနေ့) က ပြောကြားလိုက်ပါတယ်။
“ကျွန်တော်တို့ တစ်နိုင်ငံချင်းစီအနေနဲ့ အင်စတီကျူးရှင်းတွေ ခိုင်မာအားကောင်းမှုနဲ့ ကောင်းမွန်တဲ့ စီမံအုပ်ချုပ်မှု စနစ်ကို တည်ဆောက်ကြရမှာဖြစ်ပါတယ်။” လို့ အင်ဒိုနီးရှားအောက်လွှတ်တော် ပါလီမန်များပူးပေါင်းဆော င်ရွက်ရေးအဖွဲ့ဥက္ကဋ္ဌ ဆီရာက ပြောပါတယ်။
“ဘာ့ကြောင့်လဲဆိုတော့ ကောင်းမွန်တဲ့ စီမံအုပ်ချုပ်မှုစနစ် လည်ပတ်နေပြီး အင်စတီကျူးရှင်းတွေ အားကောင်း လာ တယ်ဆိုရင် တခြားနိုင်ငံ/အဖွဲ့အစည်းတွေကို မှီခိုစရာမလိုတဲ့ နိုင်ငံတစ်နိုင်ငံဖြစ်လာ မှာမို့လို့ပဲဖြစ်ပါတယ်။” လို့ ၎င်းက ပြောပါတယ်။
“ကောင်းမွန်တဲ့ စီမံအုပ်ချုပ်မှုစနစ်နဲ့ ခိုင်မာအားကောင်းသော အင်စတီကျူးရှင်းများ” ခေါင်းစဉ်နဲ့ အဆိုပါပွဲကို မေလ ၁၂ ရက်ကနေ ၁၅ ရက်နေ့အထိ ဂျကာတာမြို့မှာ ကျင်းပသွားမှာဖြစ်ပါတယ်။
Ref: Indonesia to host OIC high level parliamentary meeting in May: Bernama-Xinhua
#PeopleMedia