YMBA နှင့် ရုရှားတက္ကသိုလ်မှ ဒုတိယပါမောက္ခချုပ်ဦးဆောင်သောအဖွဲ့ဝင်များနှင့် တွေ့ဆုံ၊ ပညာရေးဆိုင်ရာ ကိစ္စရပ်များဆွေးနွေး
PUBLISHED - September 26, 2023
နေပြည်တော်၊ စက်တင်ဘာ ၂၆
ရန်ကုန်တိုင်းဒေသကြီး၊ ပုဇွန်တောင်မြို့နယ်ရှိ YMBA အသင်းအစည်းအဝေးခန်းမ၌ ယမန်နေ့ မွန်းလွဲ ၂ နာရီ တွင် ဗုဒ္ဓဘာသာကလျာဏယုဝအသင်း YMBA ၏ ဗဟိုဥက္ကဋ္ဌ ဦးရဲထွန်းအပါအဝင် အမှုဆောင်အဖွဲ့ဝင်များနှင့် ရုရှားတက္ကသိုလ်မှ ဒုတိယပါမောက္ခချုပ်၊ ရုရှား-မြန်မာသံရုံးမှ သံမှူး ဦးဆောင်သောအဖွဲ့တွေ့ဆုံခဲ့ကြောင်း သိရ သည်။
ထိုသို့ တွေ့ဆုံရာတွင် ပညာရေးဆိုင်ရာကိစ္စရပ်များ ဆွေးနွေးခဲ့ကြပြီး အပြန်အလှန် အမှတ်တရလက်ဆောင် ပစ္စည်းများ ပေးအပ်ခဲ့ကြောင်း သိရသည်။
၁၉၀၆ ခုနှစ်မှ စတင်တည်ထောင်ခဲ့သော ဗုဒ္ဓဘာသာကလျာဏယုဝအသင်း YMBA သည် အသင်းကြီး၏အဓိက လုပ်ငန်းစဉ်များဖြစ်သော အမျိုးဘာသာ သာသနာပညာလုပ်ငန်းများကို အင်တိုက် အားတိုက်ဆောင်ရွက် လျက်ရှိရာ ယခုအချိန်တွင် အသင်းဝင်အင်အားဆယ်သိန်း ကျော်ရှိခဲ့ပြီဖြစ်သည်။
#PeopleMedia