ဘင်္ဂလားဒေ့ရှ်နိုင်ငံက နိုင်ငံတကာတရားရုံးမှာ အစ္စရေးကို ပြစ်တင်ဝေဖန်တဲ့ ထုတ်ပြန်ကြေညာချက်ကိုတင်ပြ

PUBLISHED - February 21, 2024

နိုင်ငံတကာ၊ ဖေဖော်ဝါရီ ၂၁

ဘင်္ဂလားဒေ့ရှ်နိုင်ငံက နယ်သာလန်နိုင်ငံမှာရှိတဲ့ နိုင်ငံတကာတရားရုံး (ICJ) မှာ ၎င်းတို့ ထုတ်ပြန်ခဲ့တဲ့ သဘော ထားကြေညာချက်ကို အင်္ဂါနေ့ (ဖေဖော်ဝါရီလ ၂၀ ရက်နေ့) က တင်ပြခဲ့ပါတယ်။

အရှေ့ဂျေရုဆလမ်အပါအဝင် သိမ်းပိုက်ခံပါလက်စတိုင်းနယ်မြေမှာ အစ္စရေးနိုင်ငံရဲ့ မူဝါဒနဲ့ လုပ်ရပ်တွေက ထွက်ပေါ်လာတဲ့ ဥပဒေကြောင်းအရ နောက်ဆက်တွဲအကျိုးဆက်တွေရဲ့ မေးခွန်းနဲ့ပတ်သက်ပြီး အကြံပေးအဖွဲ့ ရဲ့ ထင်မြင်ယူဆချက်အတွက် ကုလသမဂ္ဂအထွေထွေညီလာခံက မေတ္တာရပ်ခံလာတာနဲ့ပတ်သက်ပြီး ICJ တ ရားရုံးမှာ နယ်သာလန်နိုင်ငံဆိုင်ရာ ဘင်္ဂလားဒေ့ရှ်သံအမတ် အမ်ရီးယက်ဇ်ဟာမီးဒူလာက နိုင်ငံကိုယ်စား ဖတ် ပြခဲ့တာဖြစ်ပါတယ်။

ဘင်္ဂလားဒေ့ရှ်နိုင်ငံဟာ လွတ်လပ်ရေးရဖို့ ၂၃ နှစ်ကြာ တိုက်ပွဲဝင်ခဲ့ရပြီး နောက်ဆုံးမှာ ပြည်သူသုံးသန်းအသက် စွန့်တိုက်ပွဲဝင်ခဲ့တဲ့ ၁၉၇၁ ခုနှစ် စစ်ပွဲကတစ်ဆင့် လွတ်လပ်ရေးရခဲ့ကြောင်း ၎င်းက ပြောပါတယ်။

ဘင်္ဂလားဒေ့ရှ်နိုင်ငံ လွတ်လပ်ရေးရခါစမှာ နိုင်ငံတည်ထောင်ခဲ့တဲ့ဖခင်ကြီးဖြစ်သူ ဘန်ဂဘဘန်ဒူ ရှိတ်ခ် မူဂျီဘာ ရာမန်က “ကမ္ဘာကြီးဟာ ဖိနှိပ်သူနဲ့ အဖိနှိပ်ခံပြည်သူဆိုပြီး နှစ်ပိုင်းကွဲနေတယ်။ ကျွန်တော်ကတော့ ဖိနှိပ်ခံ ပြည် သူတွေဘက်က ရပ်တည်ပါတယ်။” လို့ ပြောကြားခဲ့ကြောင်း ၎င်းက ပြောပါတယ်။

“ဘင်္ဂလားဒေ့ရှ်နိုင်ငံဟာ ကိုယ့်ကြမ္မာကိုယ်ဖန်တီးခွင့်ရအောင် ကြိုးစားခဲ့တဲ့အတွက် နယ်ချဲ့ဝါဒ၊ ကိုလိုနီဝါဒ ဒါမှ မဟုတ် လူမျိုးရေးဝါဒကို တိုက်ခိုက်နေတဲ့ ကမ္ဘာတစ်ဝန်းက အဖိနှိပ်ခံပြည်သူတွေကို ထောက်ခံဖို့အတွက် ကျွန် တော်တို့ရဲ့ ဖွဲ့စည်းပုံအခြေခံဥပဒေက ကျွန်တော်တို့ကို လုပ်ပိုင်ခွင့်တွေ အပ်နှင်းထားပါတယ်။ အဲဒီတာဝန်တွေ ကို ကျွန်တော်တို့ရဲ့ ဖွဲ့စည်းပုံအခြေခံဥပဒေ ပုဒ်မ ၂၅ (ဂ) မှာ ဖော်ပြထားပါတယ်။” လို့ ၎င်းကပြောပါတယ်။

ကလေးသူငယ်တစ်ဝက်နီးပါး ပါဝင်တဲ့ ပါလက်စတိုင်းလူဦးရေ ၁.၄ သန်းအတွက် လူသားချင်စာနာထောက် ထားမှုအကူအညီတွေ အရေးပေါ်လိုအပ်နေတာကိုလည်း ဘင်္ဂလားဒေ့ရှ်နိုင်ငံက ထောက်ပြသွားပါတယ်။ လက်ရှိဖြစ်ပွားနေတဲ့စစ်ပွဲဟာ ကမ္ဘာ့သမိုင်းမှာ ရှက်စရာအကောင်းဆုံး စစ်ပွဲတွေထဲက တစ်ခုဖြစ်ကြောင်းလည်း ၎င်းက ပြောပါတယ်။

အပြစ်မဲ့အရပ်သားအများအပြား အထူးသဖြင့် ကလေးသူငယ်တွေကို သတ်ဖြတ်မှု၊ ၎င်းတို့ရဲ့ အိုးအိမ်တွေကို ဖျက်ဆီးမှု၊ ၎င်းတို့ရဲ့ ဘိုးဘွားပိုင်မြေတွေကို သိမ်းပိုက်မှုနဲ့ စားနပ်ရိက္ခာနဲ့ ရေအရင်းအမြစ်တွေကို ရည်ရွယ်ချက် ရှိရှိနဲ့ ပိတ်ပင်တားဆီးမှုတွေဟာ နိုင်ငံတကာဥပေဒကို ပြောင်ပြောင်တင်းတင်း ချိုးဖောက်နေတာဖြစ်ပြီး လူမျိုး တုံးသတ်ဖြတ်မှုရဲ့ ဥပမာသင်ခန်းစာတွေပဲဖြစ်ကြောင်း ၎င်းက ပြောပါတယ်။

အထွေထွေညီလာခံရဲ့ မေးခွန်းတွေနဲ့ပတ်သက်ပြီး အကြံပေးအဖွဲ့ရဲ့ ထင်မြင်ယူဆချက်တွေဟာ တရားမဝင် သိမ်းပိုက်မှုတွေ အဆုံးသတ်စေဖို့အတွက် လက်တွေ့ကျပြီး ကြောင်းကျိုးလျော်ညီတဲ့ အဆင့်ဖြစ်တယ်ဆိုတာကို ဘင်္ဂလားဒေ့ရှ်နိုင်ငံက အခိုင်အမာယုံကြည်ကြောင်း ၎င်းက ပြောပါတယ်။

သိမ်းပိုက်မှုကို ဖျက်သိမ်းလိုက်တာဟာ အပြန်အလှန်အနေနဲ့ ပါလက်စတိုင်းပြည်သူတွေအပေါ် အစ္စရေးရဲ့ ဖိနှိပ် ချုပ်ချယ်မှုတွေရဲ့ ပင်မအကြောင်းတရားကို ကိုင်တွယ်ဖြေရှင်းလိုက်တာပဲဖြစ်ကြောင်း ၎င်းက ပြောပါတယ်။

အစ္စရေးရဲ့ ကိုလိုနီပြုပြီး ကျူးကျော်ထားတဲ့ ကာလရှည်တရားမဝင်သိမ်းပိုက်ထားမှုနဲ့ နိုင်ငံတကာဥပေဒအရ တရားမဝင်မှုကိုလည်း ဘင်္ဂလားဒေ့ရှ်နိုင်ငံက ထောက်ပြခဲ့ပါတယ်။

အစ္စရေးနို်င်ငံဟာ ပါလက်စတိုင်းလူမျိုးတွေရဲ့ ကိုယ့်ကြမ္မာကိုယ်ဖန်တီးခွင့်ကို ငြင်းပယ်ခဲ့ပြီး ဖိနှိပ်ခြင်း၊ လူမျိုးရေး အရခွဲခြားဆက်ဆံခြင်း၊ ပါလက်စတိုင်းတွေကို နိုင်ငံရေး/လူမျိုးရေးအရ ခွဲခြားဆက်ဆံခြင်းတွေအပြင် ပါလက်စ တိုင်းနယ်မြေတွေကို ကျူးကျော်ခြင်း၊ ကိုလိုနီပြုခြင်းနဲ့ ပါလက်စတိုင်းမြေတွေကို တိုက်ခိုက်သိမ်းပိုက်ခြင်း စတဲ့ နိုင်ငံတကာဥပဒေတွေကို ချိုးဖောက်ခဲ့တယ်လို့ ဆိုပါတယ်။

သံတမန်ဆိုင်ရာ ဖြေရှင်းမှုတွေကို အခြေခံပြီး ပါလက်စတိုင်းနိုင်ငံတည်ထောင်ရေးအတွက် ကတိပေးခဲ့မှုကို ၁၉၄၈ ခုနှစ်ကတည်းက နိုင်ငံတကာအစီအစဉ်ထဲမှာ ထင်ထင်ရှားရှားတွေ့မြင်ရမှာဖြစ်ကြောင်းကိုလည်း ဘင်္ဂလားဒေ့ရှ်က ထောက်ပြခဲ့ပါတယ်။

ဒါ့အပြင် ကုလသမဂ္ဂအထွေထွေညီလာခံနဲ့ လူ့အခွင့်အရေးကောင်စီတို့ကလည်း ပါလက်စတိုင်းပြည်သူတွေရဲ့ ကိုယ့်ကြမ္မာကိုယ်ဖန်တီးခွင့်ကို အသိအမှတ်ပြုထားပြီးဖြစ်ကြောင်း ရီးယက်ဇ်ဟာမီးဒူလာက ပြောပါတယ်။

“လွတ်လပ်ရေးရဖို့အတွက် ပင်ပန်းခက်ခဲစွာ ကြိုးစားရုန်းကန်ခဲ့ရတဲ့ ဘင်္ဂလားဒေ့ရှ်နိုင်ငံအနေနဲ့ ပါလက်စတိုင်း နိုင်ငံထူထောင်ရေးအတွက် ငြိမ်းချမ်းစွာ ဖြေရှင်းဖို့ကိစ္စကို အသိအမှတ်ပြုထောက်ခံပါတယ်။” လို့ သံအမတ်က ပြောပါတယ်။

ငြိမ်းချမ်းစွာဖြေရှင်းရမယ့် အခွင့်အရေးတွေထဲမှာ ကိုယ့်ကြမ္မာကိုယ်ဖန်တီးခွင့်၊ နေရပ်ပြန်ခွင့်၊ လွတ်လပ်ရေး ရရှိ ခွင့်နဲ့ အရှေ့ဂျေရုဆလမ်ကို မြို့တော်အဖြစ်သတ်မှတ်ပြီး ၁၉၆၇ ခုနှစ်မတိုင်ခင်က နယ်မြေအတိုင်း အချုပ်အခြာ အာဏာပိုင်စိုးခွင့်တွေပါဝင်ပြီး အစ္စရေးနိုင်ငံနဲ့ ငြိမ်းချမ်းစွာ အတူယှဉ်တွဲနေထိုင်ရေးလည်းပါဝင်ကြောင်း ဘင်္ဂလားဒေ့ရှ်သံအမတ်က ပြောပါတယ်။

Ref: Bangladesh gives statement before ICJ against Israel

#PeopleMedia