မင်္ဂလာဒုံမြို့နယ်၌ စက်ဘီးအား ခရီးသည်တင် မော်တော်ယာဉ်မှ ၀င်တိုက်မိရာမှ စက်ဘီးစီးလာသူ အမျိုးသား သေဆုံး
PUBLISHED - November 16, 2026
နေပြည်တော်၊ နို၀င်ဘာ ၁၆
ရန်ကုန်တိုင်းဒေသကြီး၊ မင်္ဂလာဒုံမြို့နယ်၌ စက်ဘီးတစ်စီးအား ခရီးသည်တင် မော်တော်ယာဉ်တစ်စီးမှ ၀င်တိုက်မိရာမှ စက်ဘီးစီးလာသူ အမျိုးသား သေဆုံးခဲ့ကြောင်း သိရသည်။
ဖြစ်စဉ်မှာ နိုဝင်ဘာ ၁၄ ရက် ည ၈ နာရီ ၁၀ မိနစ်တွင် မင်္ဂလာဒုံမြို့နယ်၊ ပေါင်းကူဉာဏရပ်ကွက်နေ ဦးမင်းမင်း(ခ)မင်းနိုင်(၄၉)နှစ် စီးနင်းလာသော စက်ဘီးသည် အခင်းဖြစ်နေရာအရောက်၌ လမ်းဝဲဘက်သို့ ချိုးကွေ့စဉ် မျက်နှာချင်းဆိုင်ဘက်မှ အမှတ်(၃)လမ်းအတိုင်း တောင်မှမြောက်သို့ မကွေးတိုင်းဒေသကြီး၊ မကွေးမြို့နယ်၊ ရန်အောင်ရပ်ကွက်နေ ကိုလှမြင့်အောင်(၃၉)နှစ် မောင်းနှင်လာသည့် YGN-3/5Q-XXXX SCANIA ခရီးသည်တင် မော်တော်ယာဉ်နှင့် ဝင်ရောက်တိုက်မိခဲ့သဖြင့် ဦးမင်းမင်း(ခ)မင်းနိုင်တွင် ထိခိုက်ဒဏ်ရာများရရှိကာ အခင်းဖြစ်နေရာ၌ သေဆုံးသွားခဲ့ကြောင်း သိရသည်။
သို့ဖြစ်၍ စက်ဘီးအား မဆင်မခြင် ချိုးကွေ့စီးနင်းသူ မင်းမင်း(ခ)မင်းနိုင်နှင့် မော်တော်ယာဉ်အား မဆင်မခြင် ပေါ့လျော့စွာမောင်းနှင်သူ လှမြင့်အောင်တို့ နှစ်ဦးအား ထောက်ကြန့်နယ်မြေရဲစခန်း ယာဉ်(ပ) ၂၁/၂၀၂၆၊ ရာဇသတ်ကြီးပုဒ်မ ၃၀၄-က/ ၂၇၉ ဖြင့် အမှုဖွင့်အရေးယူထားကြောင်း သိရသည်။
#PeopleMedia