သပိတ်ကျင်းမြို့နယ်၌ အကြမ်းဖက်အဖွဲ့ ထောင်ထားသည့် နင်းမိုင်း ပေါက်ကွဲမှုကြောင့် အမျိုးသားတစ်ဦး ထိခိုက်ဒဏ်ရာရရှိ
PUBLISHED - November 16, 2026
နေပြည်တော်၊ နို၀င်ဘာ ၁၆
မန္တလေးတိုင်းဒေသကြီး၊ သပိတ်ကျင်းမြို့နယ်၌ အကြမ်းဖက်အဖွဲ့(စိစစ်ဆဲ) ထောင်ထားသည့် နင်းမိုင်း တစ်လုံးအား နင်းမိပေါက်ကွဲမှုကြောင့် အမျိုးသား တစ်ဦး ထိခိုက်ဒဏ်ရာရရှိခဲ့ကြောင်း သိရသည်။
ဖြစ်စဉ်မှာ ပြီးခဲ့သည့်ရက်ပိုင်းက သပိတ်ကျင်းမြို့နယ်၊ ရေဖြူလယ်တီကျေးရွာနေ ကိုဝေယံမျိုး(၂၄)နှစ်သည် ၎င်း၏ ယာခင်းသို့ သွားရောက်စဉ် အကြမ်းဖက်အဖွဲ့(စိစစ်ဆဲ) ထောင်ထားသည့် နင်းမိုင်း တစ်လုံးအား နင်းမိပေါက်ကွဲခဲ့မှုကြောင့် ၎င်းတွင် ထိခိုက်ဒဏ်ရာရရှိခဲ့သဖြင့် သပိတ်ကျင်းမြို့နယ်၊ နယ်မြေခံတပ်မတော်ဆေးရုံသို့ ပို့ဆောင်ထားကြောင်း သိရသည်။
#PeopleMedia