• Follow Us on
[wp_ticker limit="5" ticker_title="Latest News" background_color="#e53935" autoplay="true" timer="4000" title_color="#fff" border="false" post_type="post" post_cat="all-news-about-myanmar-and-international" effect="slide-h"]

Home ငြိမ်းချမ်းရေးသည် မရှိမဖြစ်လိုအပ်သော အခြေခံအုတ်မြစ်ဖြစ်သည့်အတွက် တိုင်းရင်းသားစည်းလုံးညီညွတ်ရေးနှင့် ရေရှည်တည်တံ့ခိုင်မြဲသည့် ငြိမ်းချမ်းရေးရရှိအောင် အားလုံးက ပူးပေါင်းပါဝင်ကြရန် လိုအပ်ကြောင်း ဒုတိယဗိုလ်ချုပ်ကြီး ရာပြည့် ပြောကြား

လဲချားမြို့နယ် ဝမ်ဆန့်ကျေးရွာအနီး၌ တရုတ်နိုင်ငံသားများအား လက်နက်၊ ခဲယမ်းများ၊ လုပ်ငန်းသုံးပစ္စည်းများနှင့်အတူ ဖမ်းဆီးရမိ

Share this post

နေပြည်တော်၊ နိုဝင်ဘာ ၁၉

 

အွန်လိုင်းလိမ်လည်လောင်းကစားမှု ကျူးလွန်လုပ်ကိုင်ရန် တရားမဝင်နယ်စပ်ဖြတ်ကျော်ဝင်ရောက်ခဲ့သည့် တရုတ်နိုင်ငံသားများအား ရှမ်းပြည်နယ် (တောင်ပိုင်း) လဲချားမြို့နယ် ဝမ်ဆန့်ကျေးရွာအနီး၌ လက်နက်၊ ခဲယမ်းများ၊ လုပ်ငန်းသုံးပစ္စည်းများနှင့်အတူ ဖမ်းဆီးရမိခဲ့ကြောင်း သိရသည်။

 

ဖြစ်စဉ်မှာ လဲချားမြို့နယ်အတွင်း အွန်လိုင်းလိမ်လည်လောင်းကစားမှုများ လုပ်ကိုင်နေကြောင်း သတင်းအရ လုံခြုံရေးတပ်ဖွဲ့ဝင်များပါဝင်သောပူးပေါင်းအဖွဲ့ကလိုအပ်သည့် ရှာဖွေစစ်ဆေးမှုများ ဆောင်ရွက်ခဲ့ရာ ယမန်နေ့နံနက် ၉ နာရီ ၁၅ မိနစ်ခန့်တွင် လဲချားမြို့နယ် ဝမ်ဆန့်ကျေးရွာ၏ အရှေ့မြောက်ဘက် မီတာ ၃၄၀၀ ခန့်အကွာနေရာ၌ အလျားပေ ၇၀ ၊ အနံ ပေ ၂၀ ရှိ အလုပ်ရုံတွဲလျက် ယာယီလူနေတဲ တစ်လုံးနှင့် အလျား ပေ ၂၀ ၊ အနံ ၁၅ ပေရှိ စားချက်ဆောင်တစ်လုံးတို့ကို တွေ့ရှိရပြီး ၎င်းတို့အတွင်းမှ အွန်လိုင်းလိမ်လည်လောင်းကစားမှုများလုပ်ကိုင်ရန် နိုင်ငံအတွင်း တရားမဝင်နယ်စပ်ဖြတ်ကျော်ပြီး ရောက်ရှိနေသည့် တရုတ်နိုင်ငံသား အမျိုးသား ၂၃ ဦးအား မောင်းပြန်သေနတ် သုံးလက်၊ ၎င်းကျည်အိမ်တစ်ခု၊ ၎င်းကျည် ၁၅ တောင့်၊ လုပ်ငန်းသုံးပစ္စည်းများ ဖြစ်သည့် StarLink Gen3 နှစ်လုံး၊ All in One Computer တစ်လုံး၊ ဖုန်းမျိုးစုံ ၃၇ လုံး၊ Router နှစ်ခု၊ Solar Battery တစ်ခုတို့နှင့်အတူ ဖမ်းဆီးရမိခဲ့ခြင်းဖြစ်ကြောင်း သိရသည်။

 

အဆိုပါ အွန်လိုင်းလိမ်လည်လောင်းကစားမှုများလုပ်ကိုင်လျက်ရှိသည့် ဖမ်းဆီးရမိသူများအား လိုအပ်သည့်စစ်ဆေးမှုများ ဆောင်ရွက်လျက်ရှိကြောင်းနှင့် စစ်ဆေးမှုပြီးစီးပါက တည်ဆဲဥပဒေများ နှင့်အညီ ထိရောက်ပြင်းထန်စွာ အရေးယူဆောင်ရွက်သွားမည်ဖြစ်ကြောင်း၊ သိမ်းဆည်းရမိသည့် လုပ်ငန်းသုံးပစ္စည်းများကို လုပ်ထုံးလုပ်နည်းများနှင့်အညီ ဆက်လက်ဆောင်ရွက်သွားမည်ဖြစ်ပြီး နောက်ကွယ်မှ ပါဝင်ပတ်သက်သူများကိုလည်း စုံစမ်းဖော်ထုတ်ကာ အရေးယူဆောင်ရွက်နိုင်ရေး ဆက်လက်ဆောင်ရွက်သွားမည်ဖြစ်ကြောင်း သိရသည်။

 

#PeopleMedia


Share this post