မြစ်ဆုံအထက်တွင် ယနေ့နံနက်ပိုင်းအထိ တိုက်ပွဲပြင်းထန်ပြီး အနီးတစ်ဝိုက်ကပြည်သူများတိမ်းရှောင်နေရ

PUBLISHED - March 16, 2021

အင်ဂျန်းယန်၊ မတ် ၁၆

ကချင်ပြည်နယ်၊ အင်ဂျန်းယန်မြို့နယ်၊မြစ်ဆုံအထက်ပိုင်းတွင် စစ်တပ်နှင့် ကေအိုင်အေ တို့ယနေ့ (မတ် ၁၆) ရက်နေ့ နံနက်ပိုင်း အထိတိုက်ပွဲပြင်းထန်နေပြီး အနီးတစ်ဝိုက်ကကျေးရွာနေပြည်သူများဘေးလွတ်ရာ တွင် ထွက်ပြေးတိမ်းရှောင်နေရကြောင်း သိရသည်။

ယမန်နေ့ (မတ် ၁၅ )နေ့ည ပိုင်းကတည်းက မြစ်ကြီးအနီးကဂွေထောင်ကျေးရွာ၊ တန်ဘော်ယန်ကျေးရွာဘက်တို့တွင် ကေအိုင်အေနှင့် တပ်မတော်တို့ နှစ်ဖက်တိုက်ပွဲများပြင်းထန်ခဲ့ပြီးယနေ့နံနက်ပိုင်းအထိပစ်ခတ်သံများကြားနေရကြောင်းနှင့် တိုက်ပွဲဖြစ်ပွားရာအနီးတစ်ဝိုက်ကကျေးရွာနေပြည်သူများ တိမ်းရှောင်ထွက်ပြေးနေရကြောင်း မြစ်ဆုံဒေသခံတစ်ဦးကပြောသည်။

“မနေ့ညအဲ့ဘက်မှာတိုက်ပွဲဖြစ်တယ်အဲ့မှာအမျိုးတွေရှိတယ် သေနတ်ကဒီမနက်ထိခုနထိလက်နက်ကြီးသံတွေက မြည်နေတယ်ကြားနေရတယ်ပြောတယ်။လက်နက်ကြီးသံပဲကြားနေရတယ်ပြောတယ်အဲ့ဒီတပ်စခန်းရှိတဲ့နေရာဂွေထောင်မှာကအိမ်ခြေ ၂၀လောက်ပဲရှိတယ်။တချို့ကမြစ်ဖျားဘက်ကိုသွားပြီးတချို့ကမြစ်ဆုံအောက်ဘက်ကိုဆင်းလာကြတယ်ပြောတယ်´´ဟု ထွက်ပြေးတိန်းရှောင်နေရသူ၏အသိမိတ်ဆွေတစ်ဦးကပြောသည်။

ယင်းထွက်ပြေးတိန်းရှောင်နေသူများအနက်အချို့မှာ မြစ်ဆုံအထက် ဝှေရှီကျေးရွာဘက်တို့ တိမ်းရှောင်သွားပြီးအချို့မှာတန်ဖရဲကျေးရွာဘက်သို့ တိမ်းရှောင်လာဖွယ်ရှိကြောင်း သိရသည်။

လွမ်းအောင်